| e-texts navigator |
| Wylie |
433b1 བརྗོད་དུ་རུང་བ་མ་ཡིན་པའི་ཆོས་གང་ཡིན་པ་དེ་ནི་དོན་དམ་པའི་བདེན་པའོ། །གང་ཚིག་དང་། ཡི་གེ་ལས་འདས་པ་གང་ཡིན་པ་དེ་ནི་ཆོས་ཀྱི་སྐུའོ། །གང་ཚིག་དང་། ཡི་གེས
433b2 བརྗོད་དུ་རུང་བ་ཐམས་ཅད་ནི་གཟུགས་ཀྱི་སྐུའོ། །སྔགས་ཀྱི་ལྟ་བ་དང་། སྤྱོད་པའང་དེ་ཉིད་ཡིན་ཏེ། །གང་དོན་དམ་པའི་བདེན་པ་དང་། ཆོས་ཀྱི་སྐུ་གང་ཡིན་པ་དེ་ནི་སྔགས་ཀྱི་ལྟ་བ
433b3 ཡིན་པར་ཤེས་པར་བྱའོ། །དེ་ཉིད་རྒྱུའི་ཚུལ་དུ་གནས་པ་ལས་འབྲས་བུའི་ཆུལ་དུ་ཀུན་རྫོབ་ཀྱི་བདེན་པ་དང་། གཟུགས་ཀྱི་སྐུར་སྣང་སྟེ་ཇི་ལྟར་སྤྱད་པ་དང་། སྤྱད་དུ་རུང་བ་ཐམས
433b4 ཅད་ནི་སྤྱོད་པར་རྣལ་འབྱོར་ཅན་གྱིས་བལྟའོ། །དེ་ནས་སྨྲ་བའི་སེངྒེ་བྱེད་པ་པོ་རྡོ་རྗེ་ཀུན་ཏུ་བཟང་པོས། ཨ་ལ་ལ་ཧོ་ཞེས་པའི་སྒྲ་བརྗོད་དེ་བཅོམ་ལྡན་འདས་གསང་བ་མཆོག་གི
433b5 བདག་པོ་ལ་འདི་སྐད་ཅེས་གསོལ་ཏོ། །དེ་ལྟར་ལགས་ན། བཅོམ་ལྡན་འདས། སྔགས་ཀྱི་ལྟ་བ་ལ་བློ་གནས་པ་གང་ལགས། ལྟ་བ་དང་། སྤྱོད་པ་ལ་བློ་གནས་པ་ནི་གང
433b6 ལགས། སྤྱོད་པ་འབའ་ཞིག་ལ་བློ་གནས་པ་ནི་གང་ལགས། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེངྒེ་ལེགས་སོ། །དེའི་དོན་ཁྱོད་ང་ལ་ཞུ་བ
433b7 ནི་ལེགས་སོ། །སྨྲ་བའི་སེངྒེ། གསང་སྔགས་ནི་དེ་བཞིན་གཤེགས་པ་འབའ་ཞིག་གི་དགོངས་པའི་ཡུལ་ལོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་རྣམས
iiif viewer powered by OpenSeadragon
