| e-texts navigator |
| Wylie |
431b1 རྣམས་རང་རང་གི་སེམས་རངས་པར་བྱས་ཏེ་དམ་ཚིག་ཐོབ་ནས་རྡོ་རྗེ་གསང་བའི་གྲལ་དུ་འཁོད་རྣམ་པར་འཁོད་དོ། །དེ་ནས་བྱེད་པ་པོ་ཀུན་ཏུ་བཟང་པོ་ལས་ཀྱི་བཀའ་བ་དེས
431b2 བཅོམ་ལྡན་འདས་གསང་བ་མཆོག་གི་བདག་པོ་ལ་གཙུག་གི་འདུད་ཕྱག་རྣལ་འབྱོར་གྱི་ལུགས་སུ་བྱས་ཏེ་ཕྱི་དང་། ནང་དང་། གསང་བ་མཆོད་པ་དེ་ཁོ་ན་ཉིད་ཀྱིས་མཆོད་དེ
431b3 གསོལ་བ་བཏབ་པོ། །འདི་ལྟར་རྨད་བྱུང་ངོ་མཚར་ཁྱོད། །སངས་རྒྱས་ཡབ་གྱུར་རྒྱལ་བའི་སྲས། །ཡ་མཚན་ཆེན་པོ་སྟོན་པར་སྤྱོད། །བཀའ་ཡི་འཁོར་ལོ་དམ་པ་དེ། །སྨྲ་བརྗོད
431b4 ཡུལ་ལས་རབ་འདས་ཀྱང་། །དག་གི་ལམ་ནས་རབ་བརྗོད་ཅིང་། །དཔེས་མཚོན་ཚིག་གི་ལྡེ་མིག་གིས། །གསལ་བར་མཚོན་ཏེ་གོ་བར་མཛོད། ། ལ་ལ་ཧོ་ཞེས་གསོལ་བ
431b5 བཏབ་བོ། །དེ་ནས་གསང་བ་མཆོག་གི་བདག་པོ་དེས་གསོལ་བ་བཏབ་པར་མཁྱེན་ནས་བརྗོད་དུ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས་ཅང་མི་གསུང་བར་བཞུགས
431b6 སོ། །དེ་ནས་འདུས་པའི་འཁོར་ཚོགས་ཀྱིས་སྨྲ་བའི་སེངྒེ་བྱེད་པ་པོ་ཀུན་ཏུ་བཟང་པོ་དེ་ལ་ལུགས་སུ་བཏུད་དེ་བརྐྱང་ཕྱག་བཙལ་ནས་རྨད་དུ་བྱུང་བའི་མཆོད་པ་སྣ་ཚོགས
431b7 བྱས་ནས་གསོལ་བ་བཏབ་པ། སྨྲ་བའི་སེངྒེ་བྱེད་པ་པོ་རྡོ་རྗེ་ཀུན་ཏུ་བཟང་པོ། ཁྱོད་ལ་བདག་ཅག་ཞུ་བར་སྦོབས་ན་གསང་བའི་སྐབས་དབྱེ་བར་གསོལ། སྨྲ་བའི་སེངྒེ་ཀུན
iiif viewer powered by OpenSeadragon
