| e-texts navigator |
| Wylie |
431a1 @#། །པར་གྱུར་ཏོ། །ཆོས་ཀྱི་འཁོར་ལོ་པདྨ་འདབ་མ་བརྒྱད་པ་ལྕེ་སྟེང་དུ་བཞག་སྟེ་སྨྲ་བའི་སེང་གེ་ཆོས་ཀྱི་སེམས་དཔའ་ཞེས་མིང་དུ་དབང་བསྐུར་ཧེ་ཆོས
431a2 སྨྲ་བའི་དབང་ཐོབ་བོ། །དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་ཏུ་བཟང་པོ་དེ་བཙུན་མོ་ཀུན་ཏུ་བཟང་མོ་ལ་འཇུག་ཅིང་སྤོབས་པ་ཅན་དུ་གྱུར་ཏོ། །དེ་ནས་སྨྲ་བའི་སེང་གེ་ཀུན
431a3 ཏུ་བཟང་པོ་དེས་འདུས་པའི་འཁོར་རྣམས་སྣོད་དུ་རུང་བར་བྱིན་གྱིས་བརླབས་པའི་ཕྱིར་ལས་ཀྱི་འཁོར་ལོ་དང་། ཆོས་ཀྱི་འཁོར་ལོ་རྣམ་པ་བཅུ་གཉིས་ཀྱི་ཚུལ་དུ་བསྐོར་ཏེ
431a4 ཆོ་འཕྲུལ་འདི་དག་རྣམ་པར་བསྟན་ཏེ་ཞིང་ཁམས་མཐའ་དག་ཀྱང་གཡོས། རབ་ཏུ་གཡོས། འགུལ། རབ་ཏུ་འགུལ། ལྡེག་།རབ་ཏུ་ལྡེག་།འཁྲུགས། རབ་ཏུ་འཁྲུགས།
431a5 ཡན་མན་དང་། སྣརལ་ཞིའི་ཞིང་ཁམས་མཐའ་དག་ཀྱང་ལིང་ལོང་ཕྱད་པར་གྱུར་ཏོ། །དེ་ནས་བྱང་ཆུབ་སེམས་ཀྱི་མཚན་མས་འདུས་པའི་འཁོར་རྣམས་ཀྱི་གནས་ལྡར
431a6 རིག་པར་བྱས་སོ། །ཧཱུཾ་བཛྲ་ས་མ་ཡ། གུ་ཧྱ་ས་མ་ཡ། ཀྲོ་དྷ་ས་མ་ཡ། རྡོ་རྗེ་འདུ་བར་འདུས་པ་ཡི། །འདུས་པ་ཆེན་པོའི་རིག་འཛིན་རྣམས། །གོང་འོག་རིམ་པ་ཇི་བཞིན
431a7 དུ། །རྡོ་རྗེ་གསང་བའི་གྲལ་དུ་གནོས། །བསྐལ་བཟང་དམ་ཚིག་ཆེན་པོ་སྟེ། །དེ་ལས་འདས་ན་བརླག་པར་འགྱུར། ཞེས་བསྒོ་བས་འདུས་པའི་འཁོར་ཚོགས
iiif viewer powered by OpenSeadragon
