| e-texts navigator |
| Wylie |
429b1 མཆན་དུའང་གྱུར། ཐུགས་དམ་ཚིག་གི་ཕྱག་རྒྱ་འོད་དུ་འཕྲོས་ཤིང་རྣམ་པར་འདུ་བའི་ཚུལ་གྱིས་རྣལ་འབྱོར་གྱི་དབང་ཕྱུག་གི་འཁོར་རྒྱལ་བ་ཡབ་ཡུམ་དང་། སེམས་དཔའ་དང་། སེམས
429b2 མ་དང་། ཐུབ་པ་དང་། འཇོམས་པ་དང་། འཇོམས་མ་རྣམས་ཀྱིས་སྐུར་ཡང་རང་རང་གི་དམ་ཚིག་གི་ཕྱག་རྒྱ་ལས་སྣང་བར་བྱས་ཏེ་གསང་བ་མཆོག་གི་བདག་པོ་ལ་མདུན་གྱིས་བལྟས
429b3 ནས་རྡོ་རྗེ་གསང་བའི་གྲལ་དུ་འཁོད་དེ། དེ་ལྟར་རེ་རེ་ལའང་སངས་རྒྱས་ཀྱི་འཁོར་ཞབས་འབྲིང་དང་བཅས་པ་འབྱམ་ཀླས་པ་ནམ་མཁའི་དབྱིངས་ཀྱི་མཐའ་ཀླས་པ་ལྷུན་གྱིས་གྲུབ་བོ།།
429b4 ཡང་འོད་ཟེར་དེ་དག་རེ་རེ་ལས་ཧེ་རུ་ཀ་མང་པོའི་ཚོགས་ཀྱང་ཤར་ཏོ། །ཧེ་རུ་ཀ་རེ་རེ་ལའང་སངས་རྒྱས་འབུམ་ཕྲག་གི་འཁོར་སོ་སོའི་ཞབས་འབྲིང་དང་བཅས་པ་ལྷུན་གྱིས་གྲུབ་པར
429b5 མཛད་དོ། །ཧེ་རུ་ཀ་རེ་རེ་ལས་རིག་པའི་ཉི་མའི་ཆར་མངོན་པར་ཕབ་སྟེ་མུན་ནག་གི་གློག་གསལ་བར་མཛད་དོ། །ཆོས་ཀྱི་གླུ་དང་། གར་དང་། ཆོས་ཀྱི་ཆར་དང་། མཆོད་པ་དང་།
429b6 ཆོས་ཀྱི་ངོ་མཚར་རྨད་དུ་བྱུང་བ་རྔམ་པའི་ཆོ་འཕྲུལ་ཡན་མན་སྣརེལ་ཞི་ཐམས་ཅད་དུ་ལིང་ལོང་ཕྱད་དོ། །དེའི་ཚེ་ཧེ་རུ་ཀ་འོད་ཀྱི་ཕྲེང་བ་དེས་རུ་ཏྲ་ཅན་དང་། བདུད་དང་། སྲིན་པོ
429b7 དང་། གནོད་སྦྱིན་དང་། དབང་ཕྱུག་མ་ཉི་ཤུ་རྩ་བརྒྱད་ལ་སོགས་པ་རང་རང་གི་ཆེ་བའི་ང་རྒྱལ་རབ་ཏུ་སྟོན་པ་རྣམས་ཞི་ཞིང་དུལ་བར་གྱུར་ཏོ་རང་རང་གི་དབང་ཕྲོགས་ནས་སངས
iiif viewer powered by OpenSeadragon
