| e-texts navigator |
| Wylie |
427b1 དགེངས། གཟིགས་ཤིང་དགོངས་པ་ལའང་མི་འགོག་།རྣམ་པར་ཡང་མི་འགོག་།མི་འགོག་པ་ལའང་མི་གནས་སོ། །དེ་ནས་ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ་འཁོར་གྱི་དཀྱིལ
427b2 འཁོར་དེ་དག་དང་། སྣོད་ཀྱི་ཁམས་དེ་དག་དང་། བཅུད་ཀྱི་ཁམས་དེ་དག་དང་། སའི་ཁྱད་པར་དེ་དག་ཐམས་ཅད་ཀྱང་སྒྱུ་མའི་མཚན་ཉིད་ཙམ་དུ་དམིགས་སུ་མེད་དོ། །དཔེར་ན། ནམ་མཁའ
427b3 ནི་ཆོས་ཐམས་ཅད་ཀྱི་རྗེས་སུའང་སོང་ལ། ཇི་ལྟ་བུའི་ངོ་བོར་ཡང་གདགས་སུ་མེད་པ་དེ་བཞིན་དུ་དོན་དམ་པ་བྱང་ཆུབ་སེམས་དེའང་ཆོས་ཐམས་ཅད་ལའང་ཁྱབ་ལ། སྨྲ་བསམ
427b4 ལས་ཀྱང་འདས་སོ། །དེ་ལྟར་ཆོས་ཀྱི་སྐུའི་ངོ་བོར་བརྗོད་དུ་མེད་པ་ལ་བརྣལ་བཞིན་དུ་ཡུམ་ཀུན་ཏུ་བཟང་མོ་རྔམ་པའི་ཀྲོ་དྷིའི་རྒྱལ་མོས་སྟོང་ཉིད་ཀྱི་ངང་ལས་གླུ་འདིས་བསྐུལ་ལོ། །ོཾ།
427b5 སྣང་སྟོང་སྟོང་པའི་རྡོ་རྗེ་ཆོས་ཀྱི་སྐུ། །སྨྲ་བསམ་ལས་འདས་དོན་དམ་བྱང་ཆུབ་སེམས། །སྟོང་ཉིད་ངང་ལས་མི་འདའི་དམ་ཚིག་གིས། །སྙིང་རྗེ་ནམ་མཁའི་ངོ་བོ་བསྟན་དུ་གསོལ། །ཞེས
427b6 བ་སྐུལ་བས་བསྐུལ་བར་ཐུགས་སུ་ཆུད་ནས་སྟོང་ཉིད་ཀྱི་ཏིང་ངེ་འཛིན་གྱི་ངང་ལས་རིག་པའི་ཡེ་ཤེས་སྙིང་རྗེ་ཆེན་པོ་ཡིས་ཀུན་དུ་ཀློང་བདལ་བར་ཁྱབ་སྟེ་སྙིང་རྗེ་ཆེན་པོ་དེས་འཁོར་གྱི
427b7 དཀྱིལ་འཁོར་ཀུན་ཏུ་ཁྱབ་པར་མཛད་དོ། །འཁོར་གྱི་དཀྱིལ་འཁོར་ཀུན་ཏུ་ཁྱབ་བར་མཛད་ནས། ཡང་སྣོད་ཀྱི་ཁམས་ཀུན་ལ་ཁྱབ་པར་མཛད་ནས་ཡང་བཅུད་ཀྱི་ཁམས་ཀུན་ལ
iiif viewer powered by OpenSeadragon
