| e-texts navigator |
| Wylie |
423b1 བ་རངས་པ་དང་། ཕྱེད་ཀྱིས་འོད་གསལ་བར་སྣང་བ་དང་། ཆེ་བའི་ཡོན་ཏན་རྣམ་པ་སྣ་ཚོགས་པའི་དྲིལ་བུ་དང་། མུ་ཏིག་གི་ཆུན་མཛེས་འཕྱང་བ་དང་། ཤར་བུའི་རྒྱན་དང་། བླ་རེ་དང་།
423b2 གདུགས་དང་། རྒྱལ་མཚན་ལ་སོགས་པའི་རྒྱན་གྱི་ཁྱད་པར་དང་མཉམ་པ་ཉིད་ཀྱི་ཏ་ལའི་ལྗོན་ཤིང་དང་། རེ་བ་སྐོང་བའི་དཔག་བསམ་གྱི་ཤིང་དང་། ཡིད་བཞིན་གྱི་ནོར་བུ་རིན་པོ་ཆེའི
423b3 རྒྱལ་མཚན་དང་། འཇིག་རྟེན་པའི་ལྷ་དང་། ལྷའི་བུ་མོ་རྣམ་པ་སྣ་ཚོགས་པའི་རོལ་མོ་དང་། གླུ་དབྱངས་ཀྱི་ཚིགས་སུ་བཅད་པས་བརྒྱན་པའི་གནས་ཁྱད་པར་རྒྱུ་རིན་པོ་ཆེ་སྣ་ཚོགས
423b4 ལས་གྲུབ་པའི་གནས་དེ་ཉིད་ན་ཐབས་དང་། ཤེས་རབ་རང་བཞིན་གྱི་འོད་གསལ་བའི་ཉི་ཟླ་དང་། མ་ཆགས་མ་གོས་པའི་པདྨ་དང་། མི་ཟད་པའི་རིན་པོ་ཆེ་འབར་བའི་གདན་ཁྲི་དང་།
423b5 གཟིམས་ཆ་དང་། སྣམ་རྟེན་དུ་ལྡན་པར་གནས་སོ། །གཞན་ཡང་། ཁྲག་འཐུང་གི་ཚོགས་འདུས་པའི་གནས་སུའང་འགྱུར་ཏེ། དུ་ར་ཁྲོད་ཀྱི་རྒྱན་གྱི་ཁྱད་པར
423b6 གྱི་བྱེ་བྲག་ཞིང་གི་གདན་དང་། སྦྲུལ་ནག་གི་ཆུན་འཕྱང་དང་། ཐོད་པ་རྣམ་གསུམ་གྱི་མཚན་མ་དང་། རླུང་ནག་གི་ཕུང་པོ་སྤུངས་ཤིང་རཀྟའི་རྒྱ་མཚོ་མི་ཟད་པར་འཁྲུག་པ་དང་།
423b7 མེ་རི་སེར་ནག་ཏུ་འཁྱིལ་ཅིང་འབར་བ། ཀེང་རུས་ཀྱི་རི་རབ་ལས་རཀྟའི་ཁྲག་ཞག་གི་ཆུ་འབབ་པ། འབར་བའི་འཕྲོ་བ་མང་པོ་འཁྲུག་པའི་གནས་ན་དྲེགས་པ་ཁྱོ་ཤུག་དང་།
iiif viewer powered by OpenSeadragon
