| e-texts navigator |
| Wylie |
423b1 བ་ནི། ཀུན་ཏུ་འབྱུང་བ་ཐོགས་པ་མེད་པའི་དུས་དང་། རྣམ་པ་ཐམས་ཅད་དུ་འགག་བ་མེད་པའོ། །ཡོངས་སུ་དག་པ་ཆོས་ཀྱི་དབྱིངས་མངོན་པར་བྱང་ཆུབ་པ་ནི། ཐ་དད་པར་དམིགས་པ་མེད་པའི་ཡེ
423b2 ཤེས་ཀྱི་སྐུ། །སངས་རྒྱས་ཐམས་ཅད་ཀྱི་བྱང་ཆུབ་ཀྱི་སེམས་དུས་གསུམ་ཐོག་མཐའ་ཀུན་དུ་དཀྱིལ་འཁོར་ཆེན་པོ། གསང་བའི་བདེ་བ་ཆེན་པོ་སྐུ་གསུང་ཐུགས་རྡོ་རྗེ་དམ་ཚིག་གི་འཁོར་ལོས་ཞི
423b3 བ་དང་། ཁྲོ་བོའི་སྐུ་སྣ་ཚོགས་སུ་སྣང་བའོ། །ལོངས་སྤྱོད་རྫོགས་པ་མཚན་དཔེ་ལྡན། །ཡབ་ཡུམ་བདེ་ཆེན་ངོ་བོ་ཉིད། །སྙིང་རྗེ་ཆེན་པོ་ཚད་མེད་པས། །རྒྱུན་མི་འཆད་པར་བསམ་པ་དང་། །
423b4 མཐུན་པར་འཇུག་པས་ཞི་མི་འགྱུར། །རང་བཞིན་མེད་པས་མི་འགྱུར་བའོ། །དཔལ་ཡེ་ཤེས་རྡོ་རྗེ་ཀུན་ལས་བཏུས་པ་ལས། རབ་ཏུ་བྱེད་པ་བཞི་བཅུ་པའོ།། །།དེ་ནས་དེ་བཞིན
423b5 གཤེགས་པའི་ཚོགས། །དཔག་མེད་འདུས་པ་ཐམས་ཅད་ཀྱི། །རྟག་ཏུ་དགའ་བའི་གཟུགས་ཅན་མཆོག་།བཅོམ་ལྡན་རྡོ་རྗེ་འཆང་ཆེན་གྱི། །གསུང་དབྱངས་རྡོ་རྗེ་སྒྲ་སྒྲོགས་པ། །ཉེ་བ་ཉིད་དུ
423b6 ཐོས་པ་ཡིས། །བདེ་བ་དང་ནི་ཡིད་བདེ་ཐོབ། །དེ་ཉིད་དུ་ནི་སྐད་ཅིག་ལ། །ཡང་དག་ཏིང་འཛིན་སྒོ་ཐོབ་ཅིང་། །རྨད་བྱུང་ཡེ་ཤེས་དབྱངས་ཀྱིས་བསྟོད། །ཆོས་ཀྱི་དབྱིངས་ལས་མ་གཡོས་ཀྱང་། །ཐུགས
423b7 རྗེ་ཚད་མེད་འགྲོ་སྐྱོབ་མཛད། །བྱང་ཆུབ་ཡེ་ཤེས་གཙོ་ཆེན་པོ། །བདེ་ཆེན་དཔེ་བྲལ་ཕྱག་འཚལ་ལོ། །རྡོ་རྗེ་གསང་བ་མི་འགྱུར་བ། །མཆོག་ཏུ་གྱུར་པ་བདེ་ཆེན་པོ། །ཐབས་དང་ཤེས་རབ
iiif viewer powered by OpenSeadragon
