| e-texts navigator |
| Wylie |
421b1 པའོ། ། །།ེ་མའོ་རྡོ་རྗེ་ནི་སྣང་བ་ཨེ་མའོ་རྡོ་རྗེ་ནི་མཆེད་པ། ཨེ་མའོ་རྡོ་རྗེ་ཡིན་པར་བཤད་པ་ནི་སྣང་བ་ཐོབ་པའི་ཡེ་ཤེས་སོ། །སྒྱུ་རླུང་སེམས་སྒྱུ་མ་ཙམ་ལས་འབྱུང་བའི་གང་དུ
421b2 ཞེས་འོད་གསལ་བའི་ངང་དུའོ། །དེར་ནི་སྒྱུ་མ་རྨི་ལམ་ལྟ་བུའི་ལུས་མེད་སྣང་ཙམ། ངག་མེད་གྲག་ཙམ་སེམས་མེད་རྟོག་མེད་སྟོང་པ་ཉིད་དོ། །དེར་སྟོང་ཉིད་འོད་གསལ་བའི་ངང་ལས། ལུས་ནི
421b3 རྣམ་པར་བསྒོམ་པ་སྒྱུ་ལུས་རྣམ་པར་དག་བའི་སྐད་ཅིག་གིས་འབྱུང་བའི་ཟུང་འཇུག་གི་སྐུ་ཐོབ་པར་གྱུར་པའོ། །ཟུང་འཇུག་སློབ་བཞིན་པ་ལ་གནས་པས་ནི། ལྷུན་གྱིས་གྲུབ་པའི་དབྱིངས་ཀྱི་དོན
421b4 ནམ་མཁའ་འོད་གསལ་ལས་བྱུང་བའི་ཡེ་ཤེས་ཀྱི་ལྷ་མོ་རིག་མ་དང་། ཡང་དེ་ཉིད་དུ་ཐབས་སྙིང་རྗེ་ཆེན་པོ་དང་ལྡན་པའི་ཐབས་ཤེས་རབ་གཉིས་མེད་དུ་སྦྱོར་བས་མཉེས་པར་གྱུར་པའི་ངོ་བོ་ཉིད
421b5 དོ། །བདུད་འདུལ་བར་མཛད་པས་རིག་མ་ནི་རྣམ་པ་སྒྱུ་མ་ལྟ་བུ་ལས་སྐྱེས་བུ་རྣལ་འབྱོར་པ་དགའ་བ་ཆེན་པོའི་རོལ་པ་ཡེ་ཤེས་མི་འགྱུར་བའི་རྡོ་རྗེ་སྟེ། ཤེས་རབ་པདྨ་ཆོས་ཀྱི་འབྱུང་གནས་དང
421b6 མཉམ་པར་སྦྱོར་བས་ནི་གང་ཞིག་འདི་ངག་སྒོམ་པ་ཞེས་སྐུ་རྡོ་རྗེ་དག་པ་དགའ་བའི་སྐད་ཅིག་། གསུང་རྡོ་རྗེ་མཆོག་དགའི་སྐད་ཅིག་།ཐུགས་རྡོ་རྗེ་དག་པ་དགའ་བྲལ་གྱི་སྐད་ཅིག་དང་གསུམ
421b7 ལས་རྡོ་རྗེ་སྐུ་གསུམ་གྱིས་མཚན་པ་ནི་སྐད་ཅིག་བཞི་ལ་ལྷན་ཅིག་སྐྱེས་པ་རོ་མཉམ་བདེ་བ་ཆེན་པོ་ངོ་བོ་ཉིད་ཀྱི་སྐུ་མངོན་དུ་བྱེད་པ་སྟེ། ཁྱུ་མཆོག་བྱང་ཆུབ་སེམས་རྡོ་རྗེ་དེ་ནི་མཉེས་པར་གྱུར་པ།
iiif viewer powered by OpenSeadragon
