| e-texts navigator |
| Wylie |
421a1 གནས་དཔལ། །མཱ་མ་ཀཱི་དང་གཉིས་མེད་པས། །སྤྲོ་བསྡུས་རིན་ཆེན་ཆར་དབབ་བྱ། །དབང་ལ་འོད་དཔག་མེད་པ་ཉིད། །གོས་དཀར་ཡུམ་དང་གཉིས་མེད
421a2 བས། །སྤྲོས་པས་དབང་དུ་བསྡུ་བར་བྱ། །མངོན་སྤྱོད་གདོན་མི་ཟ་བ་ཉིད། །པདྨ་ཉི་མ་ལ་གནས་པས། །སྒྲོལ་མ་དང་ནི་གཉིས་སུ་མེད། །སྤྲོ་བསྡུས་ཁྲོ་བོས་ལས་ལ་སྦྱར། །དེ་དག་ལས
421a3 ཚོགས་ཐམས་ཅད་ཀུན། །སྒྱུ་མ་རྨི་ལམ་ལྟར་གསལ་བས། །བདག་བྱིན་བརླབ་བ་ཉིད་དུ་ལྟ། །སྒྱུ་མའི་དཔེ་བཅུ་གཉིས་ཀྱིས་བདེ་བ་ཆེན་པོའི་ཏིང་ངེ་འཛིན་ཉེ་བར་མཚོན་པར་འགྱུར་བ་ཡིན
421a4 ཏེ། དེ་ལྟར་ཕྱོགས་བཅུའི་འཇིག་རྟེན་གྱི་ཁམས་ན་གནས་པའི་དེ་བཞིན་གཤེགས་པ་མ་ལུས་ཤིང་ལུས་པ་མེད་པ་ཀུན་འཁོར་བའི་རྒྱ་མཚོ་ཇི་སྲིད་གནས་པའི་བར་དུ་ཆོས་ཐམས་ཅད་ལ
421a5 དབང་སྒྱུར་བ། ཟབ་པ་དང་རྒྱ་ཆེ་བ་བླ་ན་མེད་པ་སྒྱུ་མ་ལྟ་བུའི་ཏིང་ངེ་འཛིན་གྱིས་བཞུགས་ནས། འདོད་པའི་ཡོན་ཏན་དུ་མ་རྣམས་ཀྱིས་རོལ་པར་མཛད་ཅིང་རབ་ཏུ་དགའ་བར་མཛད་པས
421a6 ཐམས་ཅད་མཁྱེན་པའི་ཡོན་ཏན་གསང་བ་བསམ་གྱིས་མི་ཁྱབ་པ་དང་ལྡན་པས། བདག་ཇི་ལྟར་བཞེད་པ་ཙམ་གྱིས་སངས་རྒྱས་ཀྱི་ཞིང་ནས། སངས་རྒྱས་ཀྱི་ཞིང་ཁམས་དཔག་ཏུ
421a7 མེད་པར་མི་ཟད་པ་རྒྱན་གྱི་འཁོར་ལོས་ཕྲིན་ལས་ཐོགས་པ་མེད་པར་རབ་ཏུ་མངོན་པར་འབྱུང་བའོ། །དཔལ་ཡེ་ཤེས་རྡོ་རྗེ་ཀུན་ལས་བཏུས་པ་ལས། རབ་ཏུ་བྱེད་པ་སུམ་ཅུ་སོ་བདུན
iiif viewer powered by OpenSeadragon
