| e-texts navigator |
| Wylie |
420b1 ཞེས་གསུངས་པས་ནི་དུས་གཞན་ལ་དགོངས་པའོ། །དགོངས་པ་ཉིད་ནི་ཕྱིར་མི་ལྡོག་པའི་དོན་ལ་དགོངས་པ་ནི་ལྡེམ་པོར་དགོངས་པ་དག་གོ་།དགོངས་པ་སྤྱི་ནི་ཡང་དག་པར་དགོངས་པའོ། །
420b2 དེ་བཞིན་གཤེགས་པ་ཐམས་ཅད་ཀྱི་དགོངས་པའི་ཁྱད་པར་བསྟན་པ་ཞེས་བྱ་བའི་ཏིང་ངེ་འཛིན་ཏོ། །དཔལ་ཡེ་ཤེས་རྡོ་རྗེ་ཀུན་ལས་བཏུས་པ་ལས་རབ་ཏུ་བྱེད་པ་སུམ་ཅུ་སོ་དྲུག་པའོ།། །།
420b3 བྱང་ཆུབ་སེམས་ཀྱི་ངོ་བོ་ཉིད། །བླ་མ་རྡོ་རྗེ་འཛིན་པ་ལ། །མོས་གུས་མཐར་ཕྱིན་གྱུར་པས་ནི། །ལམ་གྱི་རིམ་པ་ཀུན་རྫོགས་པས། །སྒྲིབ་དག་ཡོན་ཏན་ཐོབ་པ་སྟེ། །དབང་གི་རྒྱལ་པོ་རྙེད་པ
420b4 བཞིན། །ལས་དང་དངོས་གྲུབ་མ་ལུས་པ། །ཡེ་ཤེས་མི་ཟད་གནས་འཐོབ་པའོ། །དམ་ཚིག་དག་གི་འཁོར་ལོར་ནི། །དགའ་བ་ཆེན་པོས་རོལ་པ་ནི། །ལུས་ཀྱི་གནས་སུ་རྩ་གནས་པ། །འཁོར
420b5 ལོ་དྲུག་གི་རྣམ་པ་ལ། །ཐིག་ལེ་ཡི་གེ་རླུང་དག་པ། །བདེ་གསང་སྟོང་ཉིད་ཡེ་ཤེས་ལས། །དབང་ཕྱུག་མཛོད་སྤུ་གཙུག་ཏོར་དུ། །གཉིས་མེད་མཉམ་པ་བདེ་ཆེན་དུ། །རབ་ཏུ་ཐིམ་པས་རྣམ
420b6 གྲོལ་ཉིད། །རྟེན་འབྲེལ་ཐམས་ཅད་མཁྱེན་པར་འགྱུར། །ལས་རྒྱལ་མཆོག་གི་ཕྲིན་ལས་ནི། །དོན་དམ་སྟོང་ཉིད་ངང་ལས་ནི། །རྡོ་རྗེ་སེམས་དཔའི་སྐུར་གྱུར་ལས། །རྣམ་པར་སྣང་མཛད
420b7 སྐུར་བསྒྱུར་བ། །ཟླ་བའི་གདན་ལ་གནས་པ་ཡི། །སྤྱན་དང་གཉིས་མེད་སྦྱོར་བ་ལས། །ཞི་བར་འདོད་རྣམས་ཐམས་ཅད་ཀྱི། །དེར་གནས་གནོད་པ་ཞི་བར་བྱེད། །རྒྱས་ལ་རིན་ཆེན་འབྱུང
iiif viewer powered by OpenSeadragon
