| e-texts navigator |
| Wylie |
420a1 བྱང་ཆུབ་སེམས་དཔའ་ཁྱེད་རྣམས་མ་ངུ་ཅིག་།སྡུག་བསྔལ་གསུམ་བསྒོམ་པར་མ་བྱེད་ཅིག་།བྱང་ཆུབ་སེམས་དཔའ་ཐམས་ཅད་ཀྱིས་གསོལ་པ། བཅོམ
420a2 ལྡན་འདས་གསང་བའི་ཡི་གེའི་མིང་ཙམ་ཐོས་པའི་སྐལ་བ་ཡང་མ་མཆིས་ན་ཇི་ལྟར་མི་ངུ་བར་བགྱི། དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། དེ་སྐད་ཅེས་མ་ཟེར
420a3 ཅིག་། གཉེན་པོ་ལ་ལྡེམ་པོར་དགོངས་པས་ན་སྒྱིད་ལུག་པ་སྤང་བའི་ཕྱིར་ཡི་གེ་ནི་ཐུན་མོང་སྟེ། རིགས་ཀྱི་བུ་ཁྱེད་རྣམས་ཀྱིས་ཇི་ལྟར་མི་ཤེས་པ་དང་མ་ཐོས་པ་དེ་བཞིན་དུ་ངེད་དེ
420a4 བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའ་ཐམས་ཅད་ཀྱིས་ཀྱང་། རིགས་ཀྱི་བུ་གསང་བའི་ཡི་གེ་འདི་དག་མ་མཐོང་མ་ཐོབ་ཅིང་མངོན་པར་རྫོགས་པར་སངས་མ
420a5 རྒྱས་སོ། །དེ་ཅིའི་ཕྱིར་ཞེ་ན། གསང་བ་གསུམ་གྱི་ཡི་གེ་རྣམ་པར་དག་པའི་ཕྱིར་རོ་ཞེས་ཐེ་ཚོམ་བསལ་བའོ། །སྔགས་ཀྱི་སེམས་དཔའ་མི་བྱ་སྟེ། བྱས་ན་བྱང་ཆུབ་རྙེད་པར་དཀའ
420a6 ཞེས་པ་ལ་ཞེན་པ་དང་མ་བྲལ་ན་འཆིང་བར་འགྱུར་ཞེས་པ་གང་ཟག་གཞན་ལ་དགོངས་པའོ། །མདོར་ན་ཕུང་པོ་ལྔ་རྣམས་ནི་སངས་རྒྱས་ལྔར་ནི་རབ་ཏུ་བསྒྲགས་ཞེས་པ་ལ་སོགས
420a7 པ་དོན་གཞན་ལ་དགོངས་པའོ། །ཆོས་ཐམས་ཅད་ལ་མཉམ་པ་ཉིད་མཐོང་ངམ་ཞེས་པ་མཉམ་པ་ཉིད་ལ་དགོངས་པའོ། །ཆོས་ཀྱི་རྣམ་གྲངས་འདི་ལ་སྐལ་བ་ཡོད་པའི་ཕྱིར་རོ
iiif viewer powered by OpenSeadragon
