| e-texts navigator |
| Wylie |
418a1 ཏུ་མ་བྱིན་ལེན་པ་ནི། །ཡོན་ཏན་ཡེ་ཤེས་ཕྲིན་ལས་ཀུན། །དུས་མེད་པར་ནི་ནུས་པས་བླང་། །རྣམ་རྟོག་ལྟུང་བྱེད་མ་ལུས་པ། །རང་བཞིན་ཤེས་པས་རྩ་བ
418a2 བཅད། །ཆོས་རྣམས་སྒྱུ་མ་རྨི་ལམ་ལྟར། །གསང་བ་བདེ་ཆེན་གྲུབ་པ་ལ། །རྨད་བྱུང་བདེ་ཆེན་འདོད་ཆགས་ཉིད། །ཤེས་པས་རང་བཞིན་མེད་བར་སྨྲ། །རྡོ་རྗེ་འཛིན་པར་གནས་པར
418a3 སྤྱད། །བཟློག་བ་སྨན་ཉིད་ཡེ་ཤེས་ཆེ། །ལོག་པར་ལྟུང་བར་མི་འགྱུར་རོ། །སྡོམ་པ་ཐབས་དང་ཤེས་རབ་དག་།གཉིས་མེད་ཕྱག་རྒྱ་ཆེན་པོར་ན། །དུས་ཀུན་དུ་ནི་དེ་ཉིད་སྡོམ། །
418a4 སྡོམ་པ་ཐམས་ཅད་ཀྱི་གསང་བ་ཟིལ་གནོན་རྡོ་རྗེ་ཞེས་བྱ་བའི་ཏིང་ངེ་འཛིན་སྤྱོད་པའི་བརྟུལ་ཞུགས་སོ། །རྡོ་རྗེའི་བདག་ཉིད་གསུམ་འདུས་ནས། །རྡོ་རྗེ་རྣལ་འབྱོར་པ་ཐིམ་འགྱུར། །དེ
418a5 གཉིས་སྐུ་གསུང་ཐུགས་རྡོ་རྗེ། །རྟོག་པའི་དབའ་རླབས་རབ་ཞི་བ། །ཉེར་དཔྱད་ཡེ་ཤེས་སྒྱུ་མ་དག་པ་ལས། །ཡོངས་དག་རྣལ་འབྱོར་སྤྲོས་བཅས་དང་། །སྤྲོས་མེད་ལས་འདས་སྟོང་པ
418a6 ཉིད། །འོད་གསལ་ཤིན་ཏུ་སྦྲོས་མེད་ལས། །ཕྱག་རྒྱ་ཆེན་པོ་ཟུང་འཇུག་ཐོབ། །དཔལ་ཡེ་ཤེས་རྡོ་རྗེ་ཀུན་ལས་བཏུས་པ་ལས། རབ་ཏུ་བྱེད་པ་སུམ་ཅུ་སོ་ལྔ་པའོ།། །།
418a7 འདི་ནི་སྔགས་རྣམས་ཐམས་ཅད་ཀྱི། །དེ་ཉིད་གསང་ཆེན་ཚུལ་མཆོག་སྟེ། །རྡོ་རྗེ་གསུམ་ལས་འཁོར་ལོ་འབྱུང་། །བྱང་ཆུབ་སངས་རྒྱས་གནས་འཇུག་བའོ། །དེ་ཁོ་ན་ཉིད་ལས
iiif viewer powered by OpenSeadragon
