| e-texts navigator |
| Wylie |
413a1 རིན་པོ་ཆེའི་རིགས་ལ་སྟེ། ཡེ་ཤེས་འབར་པའི་ཆེ་པ་དང་ལྡན་པའོ། །རྗེའུ་རིགས་ནི་པདྨ་ཅན་ལ་སྟེ་ཆགས་པ་མེད་པའོ། །རྡོ་རྗེ་ཆོས་ཀྱི་རིགས་ཆགས་པ་མེད
413a2 པ་པདྨའི་འདམ་ལས་ཐོན་བ་ལྟ་བུར་བསྒྲུབ་པ་ཉིད་དོ། །ཡང་ན་གར་མཁན་གྱི་རིགས་ཀྱིས་ཀུན་ཏུ་སྒྱུར་བར་བྱེད་པས། འདི་ནི་ཡེ་ཤེས་བདེ་ཆེན་གསང་བ་ཡེ་ཤེས་མྱུར་དུ་ཐོབ་པར
413a3 བྱེད་པ་ཉིད་དོ། །ཡང་ན་པདྨའི་རིགས་ཀྱི་རིག་མ་ལྟ་བུའམ། གཏུམ་པ་མ་རྣམ་རྟོག་རྩད་ནས་གཅོད་པ་དག་གམ། ཁྱད་པར་དུ་རྡོ་རྗེ་སེམས་དཔའི་སྦྱོར་བ་ཡིས། ཞེ་སྡང་རྡོ་རྗེའི་འཁོར
413a4 ལོ་དང་ལྡན་པས། སྙིང་གའི་གནས་སུ་སྟོང་པ་དང་སྙིང་རྗེ་ཐ་མི་དད་པ། བྱང་ཆུབ་རྡོ་རྗེའི་སྦྱོར་བ་དང་ལྡན་པས། རིག་མ་ཨུཏྤ་ལ་མཐིང་གའི་མདོག་འདྲ་བ། སེམས་དཔའ་ཨུཏྤ་ལ་ལ
413a5 ཆུའི་དྲི་མས་མ་གོས་པ་དང་མཚུངས་པ། བཙོ་བླག་མཁན་ཐམས་ཅད་ཡེ་ཤེས་སུ་སྒྱུར་བར་བྱེད་པ་ཉིད་དེ། སངས་རྒྱས་ཀྱི་ཡེ་ཤེས་དང་མཚུངས་པ་དག་ནི། བརྟེན་བསྒྲུབ་པ
413a6 མཉམ་རྗེས་གཉིས་སུ་མེད་པས་རབ་ཏུ་གྲུབ་པའི་དབང་ཕྱུག་འཐོབ་པའོ། །དཔལ་ཡེ་ཤེས་རྡོ་རྗེ་ཀུན་ལས་བཏུས་པ་ལས་རབ་ཏུ་བྱེད་པ་སུམ་ཅུ་སོ་གཅིག་པའོ།། །།
413a7 ཡང་ཤིན་ཏུ་སྤྲོས་པ་མེད་པའི་རྣལ་འབྱོར་བསྟན་པ་ལས་ནི། དམ་པ་གཉིས་ཀྱི་སྦྱོར་བ་ནི། ཐབས་རླུང་གི་སྦྱོར་བ་དང་། ཤེས་རབ་རིག་པ་སྟོང་ཉིད་སྦྲོས་མེད་ལྷན་ཅིག་སྐྱེས་པ་རང
iiif viewer powered by OpenSeadragon
