| e-texts navigator |
| Wylie |
412b1 དེར་རྣལ་འབྱོར་གྱི་དབང་ཕྱུག་གསང་སྔགས་ཀྱི་རྣམ་པར་བསམ་པའི་འཁོར་ལོ་ཅན་གྱི་གསང་བ་ཡེ་ཤེས་ཀྱི་བསྒྲུབ་པ་སྟེ། བདེ་སྟོང་གཉིས་སུ་མེད་བའི་ཕྱག་རྒྱ་ཆེན་པོར་ངོ་བོ་ཉིད་མི་འགྱུར་པའི
412b2 མཆོད་པའི་གནས། ཚད་མེད་པས་ཡང་དག་པར་མཆོད་པ། དམིགས་པ་རྣམ་པར་གྱུར་པའི་ཉམས་ཀྱི་ཏིང་ངེ་འཛིན་གྱིས་སོ། །དཔལ་ཡེ་ཤེས་རྡོ་རྗེ་ཀུན་ལས་བཏུས་པ་ལས་རབ་ཏུ་བྱེད་བ་སུམ
412b3 ཅུ་པའོ། ། །།དེ་ཉིད་ལས་གསང་བ་བླ་ན་མེད་པའི་བསྒྲུབ་པ་བསྟན་པའི་ཕྱིར། སྐུ་གསུང་ཐུགས་ཀྱི་རྡོ་རྗེ་ཅན་ཞེས་པ་སྟེ། སྐུ་རྡོ་རྗེ་མི་འགྱུར་བ་གསུང་རྡོ་རྗེ་འགག་པ་མེད་པ།
412b4 ཐུགས་རྡོ་རྗེ་རྣམ་པར་མི་རྟོག་པའི་ཡེ་ཤེས་ལ། དེ་ཉིད་དབྱེར་མི་ཕྱེད་པའི་དཀྱིལ་འཁོར། དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་ལ་ཀུན་ཏུ་རྣམ་པར་སྣང
412b5 པར་མཛད་པ། རྡོ་རྗེ་འཆང་ཆེན་པོ། སྐུའི་འོད་ཀྱི་སྣང་བ་ལས་སྤྲོ་བ་དང་བསྡུ་བར་མཛད་པའི་ཕྱིར་འོད་ཟེར་ཆེན་པོ་དང་རབ་ཏུ་ཆེན་པོ། སྤྲོ་བ་དང་བསྡུ་བ་བསམ་གྱིས་མི་ཁྱབ་པའི་ཡེ་ཤེས་ཀྱི
412b6 ངོལ་པ་སྟོན་པའོ། །ཡང་དེ་ཉིད་དུ་རིག་མའི་རིགས་དག་པས། ཡེ་ཤེས་བསྒྲུབ་པ་ཕུན་སུམ་ཚོགས་པ་བསྟན་པའི་ཕྱིར། བྲམ་ཟེ་མ་ལ་སོགས་པ་སྟེ། རྡོ་རྗེ་རིགས་ཀྱི་སྨེ་ཤ་ཅན་ལྟ་བུའོ། །དེ
412b7 བཞིན་གཤེགས་པའི་རིགས་ལ་ནི། བཙོ་བླག་མཁན་ཏེ་དངོས་པོ་ཐམས་ཅད་ཡེ་ཤེས་སུ་སྒྱུར་བར་བྱེད་བའོ། །ཡང་ན་བྲམ་ཟེ་ཞེས་པ་སྟེ། སྡིག་པའི་དྲི་མས་མ་གོས་པའོ། །རྒྱལ་རིགས་ནི
iiif viewer powered by OpenSeadragon
