| e-texts navigator |
| Wylie |
412a1 དམིགས་པའོ། །བཤང་གཅིའི་དམ་ཚིག་ནི་ཡུལ་དང་དབང་པོ་གཉིས་མེད་དུ་སྦྱར་བའོ། །ལ་སོགས་ནི་བདེ་བ་སྟོང་པ་ཉམས་སུ་མྱོང་བའི་ཟས་ཀྱིས་ཁྱད་པར
412a2 ཡུལ་ལ་སྤྱོད་པའོ། །དེ་རུ་ཆོ་ག་བཞིན་དུ་ཞེས་པ་རྡོ་རྗེ་འཛིན་པ་ཡབ་ཡུམ་རོལ་བ་བདེ་ཆེན་མི་འགྱུར་བ་ཡོངས་སུ་གྲུབ་པའོ། །དེའི་དཀྱིལ་འཁོར་རྟེན་གཞལ་ཡས་ཁང་ཆོས་འབྱུང་དང་།
412a3 འབྱུང་བ་རིམ་བརྩེགས་དང་བཅས་པ་རྟེན་དང་བརྟེན་པའི་ལྷ་ཚོགས་ཐམས་ཅད་ཡེ་ཤེས་ལས་སྐྱེས་པ། ཡེ་ཤེས་ལས་བྱུང་བའི་མཚན་ཉིད་བདེ་སྟོང་རོ་མཉམ་དུ་འབྱུང་བའི་ངོ་བོ་ཉིད
412a4 ཡོངས་སུ་རྫོགས་པའོ། །རབ་ཏུ་བཟང་བས་ན་འོད་གསལ་བའི་ཡེ་ཤེས་ལས་སྐྱེས་པ། བཞིན་རབ་ཏུ་མཛེས་བ་ཡེ་ཤེས་ཀྱི་དབང་པོ་དང་སྟོབས་ལས་བྱུང་བ་ཉིད་དོ། །རྒྱན་རྣམས་ནི་བྲལ
412a5 བ་དང་རྣམ་པར་སྨིན་པའི་ཆ་ལས་འཕགས་པའི་ནོར་ལས་ཡན་ལག་བདུན་ལྡན་ཡེ་ཤེས་ཀྱི་ཆེ་བས་ཡོངས་སུ་རྫོགས་པའོ། །དཀྱིལ་འཁོར་གྱི་དབུས་སུ་བཞག་བ་ནི། །རྡོ་རྗེ་འཛིན་པ
412a6 ཉིད་དང་། རེག་བྱ་རྡོ་རྗེ་མ་ཆོས་ཀྱི་དབྱིངས་ཀྱི་རྡོ་རྗེ་མར་གྱུར་པ་རྣམ་པར་བསྒོམ་ཞེས་པའོ། །དཀྱིལ་འཁོར་ལྔའི་འཁོར་ལོ་ནི། དེ་བཞིན་གཤེགས་པ་ལྔའི་དཀྱིལ་འཁོར། དཔྲལ
412a7 བ་མགྲིན་པ་ཐུགས་ཀ་ལྟེ་བ་གསང་བ་དང་བཅས་པར་སངས་རྒྱས་ཀྱི་སྐུའི་མཚན་དཔེ་དང་། སྐུ་མདོག་ཕྱག་མཚན་རྒྱན་དང་ལྡན་པ། ཡེ་ཤེས་ལས་འབྱུང་བ་སྐད་ཅིག་གིས་སོ། །
iiif viewer powered by OpenSeadragon
