| e-texts navigator |
| Wylie |
411a1 ཐ་དད་ན། །རྟག་ཆད་མཐར་ནི་ལྟུང་བར་འགྱུར། །དངོས་པོའི་གནས་ལུགས་ལ་བརྟེན་ནས། །དངོས་མེད་ཡེ་ཤེས་འོད་གསལ་བ། །ཟབ་དང་རྒྱ་ཆེ་གཉིས་མེད་པ། །
411a2 རྒྱུ་རྐྱེན་མ་ལུས་དག་བྱེད་པས། །བསམ་གཏན་ཏིང་འཛིན་མཐར་ཐུག་ནི། །རྡོ་རྗེ་ལྟ་བུའི་ངོ་བོ་ཉིད། །དངོས་པོ་ཐམས་ཅད་ཟློག་བྱེད་པ། །ཤིང་གི་ཚོགས་ལ་མེ་འབར་བས། །བསྲེགས་ཏེ
411a3 དངོས་མེད་འགྱུར་བ་ལྟར། །མཐར་ནི་ཐམས་ཅད་སྟོང་ཉིད་དུ། །ཡེ་ཤེས་མེས་ནི་རྣམ་པར་སྦྱངས། །ནམ་མཁའ་ལྟ་བུའི་དབྱིངས་ལས་ནི། །ཡེ་ཤེས་ཕྲིན་ལས་འགག་མེད་འབྱུང་། །དཔལ
411a4 ཡེ་ཤེས་རྡོ་རྗེ་ཀུན་ལས་བཏུས་པ་ལས་རབ་ཏུ་བྱེད་པ་ཉི་ཤུ་རྩ་བརྒྱད་པའོ། ། །།དེ་ནས་རྒྱལ་པོ་རྡོ་རྗེ་འཛིན། །དཔལ་ལྡན་ལུས་ཀྱི་རྣམ་ཤེས་དང་། །ཡེ་ཤེས་སྒྱུ་འཕྲུལ་ལ
411a5 སོགས་བསྟན། །ལྷ་མོ་བཞི་དང་ཁྲོ་བོ་བཅུ། །སྣ་ཚོགས་ཕྲིན་ལས་དུ་མ་མཆོག་།འགྲོ་བ་འདུལ་བའི་དོན་དུའོ། །སྐུ་གསུང་ཐུགས་ཀྱི་རྡོ་རྗེ་ལས། །ཕྱི་ནང་དབྱེ་བ་རིམ་པ་ཡིས། །མ་གྲུབ
411a6 སྲོགས་པའི་ཆོ་ག་ནི། །ཕུར་གདབ་དེ་ཉིད་བསྟན་པའོ། །འདོད་པའི་ཁམས་ན་འགྲོ་བ་ཀུན། །རྣམ་རྟོག་རླུང་གི་ར་བར་ཚུད། །བདག་འཛིན་མདུད་པས་བསྡམས་པ་ལ། །སྨིན་གྲོལ་ཡེ་ཤེས
411a7 ལམ་རྟོགས་པ། །བླ་མའི་ཞལ་ལས་ཤེས་པར་བྱ། །པདྨ་འདབ་བརྒྱད་བཀོད་པ་ལ། །སོ་བདུན་ཡི་གེ་ལ་དམིགས་པ། །བཅུ་དྲུག་ཆ་དང་ལྡན་པའོ། །དྲོད་ནི་སྣང་བ་རྟོག་བྲལ་སེམས། །
iiif viewer powered by OpenSeadragon
