| e-texts navigator |
| Wylie |
387a1 ཟད་འཇིག་རྟེན་བརྟགས་པ་ལས། །བཟློག་ཕྱིར་ཡེ་ཤེས་ཟབ་མོའི་དོན། །གནས་ལུགས་འཁྲུལ་པ་རྣམ་དག་སྟེ། །དེ་ཉིད་སྙིང་པོ་དགོངས་ཏེ་བཤད། །ལུས་དང
387a2 དག་དང་ཡིད་མེད་པ་དང་། བདག་མེད་པ་དང་། ཐམས་ཅད་སྟོང་པ་དང་། དག་པ་དང་། འོད་གསལ་བ་ཞེས་བྱ་བ་ལ་སོགས་པའི་རྡོ་རྗེའི་ཚིག་ནི་དགོངས་བ་མ་ཡིན་པས་བཤད་པའོ། །ཆོས
387a3 ཐམས་ཅད་ལ་དངོས་པོ་དང་མཚན་མར་འཛིན་པ་དང་། བདག་ཏུ་འཛིན་པ་ལ་དགོངས་པ་མ་ཡིན་པའི་ཕྱིར་དགོངས་པ་མིན་ཏེ། ཆོས་ཐམས་ཅད་བདག་མེད་པར་སྟོན་ཅིང་སྤྲོས་མེད་དེ་བཞིན
387a4 ཉིད་ལས་སྟོང་པ་ཉིད་དུ་སྟེན་པ་དང་། ཆོས་ཐམས་ཅད་ནི་རང་བཞིན་གྱིས་རྣམ་པར་དག་པ་དང་། ལུས་མེད་པ་སྟེ་ཕུང་པོ་དང་ཁམས་དང་སྐྱེ་མཆེད་མི་དམིགས་པ་དང་། བརྗོད་པ་ལས
387a5 འདས་པས་ངག་མེད་པ་དང་། ངོ་བོ་ཉིད་ཀྱིས་སྟོང་པའི་ཕྱིར་ཡིད་མེད་པ་ནི་དགོངས་མིན་དུ་བཤད་པའོ། །ག་བུར་དང་། ཁྲག་ཆེན་པོ་དང་། ཙན་དན་དམར་པོ་དང་རྡོ་རྗེ་དང་། པདྨ་དང་།
387a6 ཡི་གེ་དང་། ཕྱག་རྒྱ་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ནི་དྲང་བའི་དོན་ཏེ། །ག་བུར་ནི་ཁུ་བ་དང་། ཁྲག་ཆེན་པོ་ནི་ཟླ་མཚན་གྱི་ཁྲག་དང་། ཙན་དན་དམར་པོའི་ཁུ་བ་དང་བསྲེས་པ་ནི
387a7 ཙན་དན་དམར་པོའི་ཁུ་བའོ། །རྡོ་རྗེ་དང་མཚན་མ་དང་། ཐབས་དང་། པདྨ་བྷ་ག་དང་། ཤེས་རབ་དང་། ཡི་གེ་དང་། ཕྱག་རྒྱ་དང་། བཙུན་མོ་རྣམས་དང་ཞེས་བྱ་བ་ལ་སོགས་པ་རྡོ་རྗེའི་ཚིག
iiif viewer powered by OpenSeadragon
