| e-texts navigator |
| Wylie |
385a1 བས། རང་བཞིན་རྣམ་པར་དག་པའི་སྣང་བ་གསུམ་ཉེ་བར་མཚོན་པར་བྱེད་པ་དེ་ནི། བདེ་བ་ཆེན་པོའི་གོ་འཕང་རབ་ཏུ་གནས་པར་འགྱུར་རོ། །འདི་ནི་སྦས
385a2 པའི་བཤད་པའི། །བྱང་ཆུབ་སེམས་དཔའ་ཆེན་པོ་བྱམས་པས་གསོལ་པ། བཅོམ་ལྡན་འདས་སྤྱིའི་དོན་ཅི་ལགས། བཅོམ་ལྡན་འདས་ཀྱིས་བཀ་སྩལ་པ། ཉན་ཐོས་ལ་སོགས
385a3 པ་འདོད་ཆགས་དང་བྲལ་བའི་ཆོས་ལ་སྤྱོད་པ། རྣམ་པར་རྟོག་པའི་བག་ཆགས་ལས་མ་གྲོལ་བ། རྣལ་འབྱོར་ཆེན་པོའི་རྒྱུད་མཐའ་དག་ཏུ། རྡོ་རྗེ་བཙུན་མོའི་བྷ་ག་ལ་བཞུགས་ཞེས་བྱ་བ་ལ
385a4 སོགས་པའི་འདོད་ཆགས་ཀྱི་ཆོས་གསལ་བར་བྱེད་པ་ངོ་མཚར་གྱི་རྡོ་རྗེའི་ཚིག་ཐོས་ནས་སྨོད་པར་བྱེད་བ་དེ་རྣམས་ལས་མི་འགལ་བའི་སྒོ་ནས་བཤད་པ་དེ་ནི་སྤྱིའི་དོན་དུ་གསུངས་པའོ། །
385a5 བྱམས་པས་གསོལ་བ། ཡི་གེའི་དོན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། གང་ཡང་ཨཱ་ལི་ཀཱ་ལིའི་སྒྲའི་དོན་ལ་བརྟེན་ནས་བརྗོད་པར་བྱེད་པ། བརྗོད་པའི་མཐའི
385a6 བྱེད་པ། མཐའ་དང་བརྗོད་པ་རྐྱེན་རྣམས་ལས་རྣམ་པར་འབྱུང་བ། རབ་ཏུ་བྱེད་པ་དང་བཅས་པ་ཐ་སྙད་སྣ་ཚོགས་པ་ལ་བརྟེན་ནས་ཆ་ཤས་ཙམ་དུ་བསྟན་པའོ། །བྱམས་པས་གསོལ་པ། ཐུན
385a7 མོང་མ་ཡིན་པ་བླ་ན་མེད་པ་འདི་ལྟར་མཐར་ཐུག་པ་བཤད་པ་ཇི་ལྟར་བཤད་པ་ལགས། དེ་ནས་བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་སེམས་དཔའ་ཆེན་པོ
iiif viewer powered by OpenSeadragon
