| e-texts navigator |
| Wylie |
383b1 སེམས་རོ་གཅིག་པའོ། །རྣམ་ཐར་སྒོ་གསུམ་ཕ་རོལ་ཕྱིན་པ་དྲུག་།ཚད་མེད་བཞི་དང་བསྡུ་བའི་དངོས་པོ་བཞི། །བྱང་ཆུབ་མཆོག་ཆོས་སུམ་ཅུ་རྩ་བདུན་ཏེ། །སོ་སོ་ཡང་དག་རིག་དང་མ་འདྲེས
383b2 ཆོས། །སྟོབས་བཅུ་མི་འཇིགས་བཞི་དང་བསྲུང་བ་མེད། །མཁྱེན་པ་རྒྱས་པ་དེ་ཉིད་ཀུན་ཁྱབ་མཛད། །ེ་བཾ་བརྟན་གཡོ་སྣང་དང་སྟོང་པ་ལས། །ཕུང་པོ་ཁམས་དང་སྐྱེ་མཆེད་ཐམས་ཅད་ནི། །ལྷ་ཡི
383b3 བདག་ཉིད་དཀྱིལ་འཁོར་དག་ཏུའོ། །ཡིག་དོན་སྒྲ་དང་ཐ་སྙད་དུ་མ་རྣམས། །བརྟགས་པ་མེད་དེ་སྣ་ཚོགས་རྐྱེན་གྱུར་ལས། །རྒྱུ་འབྲས་རབ་བྱེད་སྒྱུ་མར་སྣང་བ་ཀུན། །འཇིག་རྟེན་རིགས་བྱེད་མཚོན
383b4 བྱེད་སྒྲ་ལྡན་པའོ། །འདོད་ཆགས་ཆོས་ཀྱི་སྦས་པ་ཞེས་བྱ་བ། །རྣལ་འབྱོར་ཐབས་དང་ཤེས་རབ་མཉམ་སྦྱོར་ལས། །སྣ་ཚོགས་དགའ་བ་དང་པོ་རྗེས་ཆགས་དང་། །རྣམ་པར་སྨིན་པ་མཆོག་ཏུ་བདེ་བ
383b5 ཉིད། །མཚན་ཉིད་བྲལ་བ་སྐད་ཅིག་ལྷན་ཅིག་སྐྱེས། །བདེ་བ་མི་འགྱུར་ཡེ་ཤེས་ཕྱག་རྒྱ་ཆེ། །རྣམ་པར་ཉིད་པ་དགའ་བྲལ་རྗེས་ལའོ། །དེ་ཉིད་སྙིང་པོ་བླ་མེད་བྱང་ཆུབ་སེམས། །བདེ་སྟོང་དབྱེར
383b6 མེད་བྱང་ཆུབ་ཆེན་པོའོ། །ཀུན་དེ་བྱང་སེམས་ཡེ་ཤེས་མེས་སྦྱངས་པས། །ཟག་མེད་བདེ་བས་ལུས་སེམས་རྣམ་དག་པའོ། །འཇིག་རྟེན་ཀུན་དུ་བརྟན་པ་སྣ་ཚོགས་པ། །དེ་རྟེན་འབྱུང་བ་འདུས་པའི
383b7 རི་རབ་དང་། །གཞལ་མེད་ཁང་སོགས་དངོས་པོ་འཁྲུལ་ལས་སྣང་། །བརྟེན་པ་འགྲོ་རྒྱུད་ཁམས་གསུམ་སེམས་ཅན་ཀུན། །སྒྱུ་མ་ལྟ་བུར་སྐྱེ་ཞིང་འགའ་པར་འགྱུར། །འཁོར་བ་ཡུལ་དང་དབང
iiif viewer powered by OpenSeadragon
