| e-texts navigator |
| Wylie |
379a1 གསུམ་དང་། མཚན་ཉིད་བཞི་བཅུ་དང་མ་རིག་པའི་སྐད་ཅིག་མ་བདུན་དུ་རབ་ཏུ་གསལ་བར་ཉིན་དང་མཚན་དུ་སྤྱོད་པས། རྗེས་སུ་ཉམས་སུ་མྱོང་བར
379a2 བྱེད་པ་མ་དག་པའི་དུས་སོ། །ཡང་རླུང་དལ་ཞིང་རིག་པ་ཅུང་ཟད་གནས་པའི་ཚེ། སྣང་བ་གསུམ་གྱི་རྒྱུ་འབྲས་ཐམས་ཅད་སྒྱུ་མ་ལྟ་བུར་གྱུར་པས། །རང་བཞིན་རྣམ་པ་ཐམས་ཅད་ཡེ་ཤེས་ཀྱི
379a3 ངང་དུ་རང་དག་རང་ཞི་རང་སར་གྲོལ་བས། ཡང་དག་པར་རབ་ཏུ་འབྱུང་བ། དེ་བཞིན་ཉིད་དུ་བདེ་བ། གསལ་བ། སྟོང་ཞིང་བདག་མེད་པའི་རྣམ་པར་མི་རྟོག་པའི་ཡེ་ཤེས་འཆར་བས། །
379a4 བག་ཆགས་རྣམ་པར་དག་པའི་བར་དོར་རྨི་ལམ་གྱི་བར་དོར་ལུས་ངག་སྒྱུ་མ་ལྟར་ཀུན་ཏུ་སྣང་བའོ། །སྒྱུ་ལུས་ཀྱི་སྣང་བ་དེ་ཉིད་ཀུན་རྫོབ་ཀྱི་སྤྱོད་པ་དག་པར་བྱེད་པའི་ཕྱིར། དེ་ཡང་འོད་གསལ
379a5 བ་ལ་རབ་ཏུ་འཇུག་པས་རིལ་པོར་འཛིན་པ་དང་། རྗེས་སུ་གཞིག་པའི་བསམ་གཏན་གྱིས་ལྷན་ཅིག་སྐྱེས་པའི་དྲི་མ་རྣམ་པར་དག་པའི་ཚེ། གང་ལ་ཡང་གནས་པ་མེད་པ་དང་། ཆོས་རྣམས
379a6 ཀུན་ལ་འགག་པ་མེད་པ་དང་། གནས་པ་མེད་ཅིང་། སྐྱེ་བ་མེད་པ་སྟེ། སྤྲོས་མེད་དོན་དམ་པའི་བདེན་པ་རབ་ཏུ་མི་གནས་པའི་དོན། །ཡང་དག་པའི་མཐའ་སྣང་བ་མེད་པ་ཞེས་བྱའོ། །དེ་ཉིད་ལས་ནི
379a7 ལུགས་ལས་བཟློག་གྱུར་པའི། །མུན་པ་ལྟ་བུའི་སྣང་བ་པྲ་རླུང་ལས། །འགོག་པ་མ་རིག་པ་ཞེས་བྱ་བར་བསྟན། །དེ་ཡི་རང་བཞིན་སྣང་བ་འབྱུང་བ་དང་། །འཁྲུལ་དང་རྣམ་གཡེང་ཐེ་ཚོམ་དང་།
iiif viewer powered by OpenSeadragon
