| e-texts navigator |
| Wylie |
376b1 ཡེ་ཤེས་གསུམ་ནི་དག་པའི་སེམས་སྣང་བ་གསུམ་གྱི་འབྱུང་གནས་རྡོ་རྗེ་ལས་མི་ཕྱེད་པ་རླུང་རིག་ཐ་མི་དད་དུ་གནས་པ་ཉིད་དེ། བྱང་ཆུབ་སེམས་ནི་ཀུན་རྫོབ་དོན་དམ་དབྱེར་མེད་པ་སྟེ། །རྡོ་རྗེ་དེ་བཞིན
376b2 ཉིད་ནི་གདོད་མ་ནས་ལྷུན་གྱིས་གྲུབ་པའི་ཆོས་ཉིད་ལས་ཡང་དག་པར་འབྱུང་བ་ནི། །ཆོས་ཐམས་ཅད་ཀྱི་ངོ་བོ་བདེ་ཆེན། སངས་རྒྱས་ཀྱི་སྐུ་གསུང་ཐུགས་རྡོ་རྗེ་ལས་འབྱུང་ཞིང་འཇུག་ལ་གནས་པ་དེའི་ཕྱིར
376b3 ན། །འཁོར་འདས་ཀྱི་ཆོས་ཐམས་ཅད་ཡེ་ཤེས་རྡོ་རྗེ་རླུང་སེམས་དབྱེར་མེད་ཐོགས་པ་མེད་པས་ཁྱབ་ཅིང་དབང་བྱེད་པ་ཉིད་དོ། །དེ་བཞིན་གཤེགས་པ་ཀུན་གྱི་དགོངས་པ་ནི། །དབྱིངས་དང་ཡེ་ཤེས་གཉིས
376b4 སུ་མེད་པ་ཉིད། །མངོན་པར་བྱང་ཆུབ་ཉིད་ལས་རབ་འབྱུང་བ། །རླུང་རིག་དབྱེར་མེད་པ་ལས་དུས་ཀུན་ཏུ། །སྣང་བ་གསུམ་དུ་ཤར་བ་འགག་པ་མེད། །དེ་ཉིད་ལྷན་ཅིག་སྐྱེས་པར་རབ་རྟོགས་བྱ། །ཡང
376b5 དག་དོན་ནི་ཟབ་པ་སྟེ། །རྡོ་རྗེའི་ངོ་བོར་ཡང་དག་བཤད་ཀྱི་དོན་ལ་ནི། །གསང་བ་ཡང་དང་བྱང་ཆུབ་སེམས། །རླུང་སེམས་དབྱེར་མེད་ཆོས་ཉིད་ལས། །ཟབ་པ་མི་འགྱུར་རང་རིག་ནི། །སྤྲོས་མེད
376b6 འགག་པ་མེད་ཅིང་ཞི། །སྐྱེ་མེད་མཉམ་ཉིད་ངར་ལས་ནི། །རྟོགས་པ་མེད་ཀྱང་རྒྱུ་རྐྱེན་ལས། །ཤེས་པ་མ་རིག་དེ་ཉིད་ནི། །འབྱུང་གནས་ཐོག་མ་མཐའ་མ་མེད། །དེ་ལས་ལྷན་སྐྱེས་མ་རིག་པ། །ཉེ་བར་ཐོབ
376b7 པ་དངོས་མེད་པ། །བདག་མེད་ཐམས་ཅད་སྙིང་པོ་ལས། །སྣང་མེད་པ་ལས་མ་འགགས་པས། །རིམ་པ་མ་ཡིན་འཆར་བ་ཡང་། །ཟབ་པ་སྟོང་ཆེན་པོར་འབྱུང་བའི། །མ་རིག་པ་ལས་རྐྱེན་སྣང་བ། །
iiif viewer powered by OpenSeadragon
