| e-texts navigator |
| Wylie |
375b1 དཔའ་གཅིག་དངོས་གྲུབ་པའི་ཕྱིར། །དེའི་ཕྱིར་སྤྲོ་པ་འང་རྡོ་རྗེ་འཆང་དུ་རིགས། །སྔགས་པས་བརྟན་པར་གྱུར་ན་སྤྲོ། །བརྟན་པར་མ་གྱུར་འདིར་སྤྲོས་པ། །ལུས་ཉོན་མོངས་ཀྱི་འབྲས་མི་འབྱིན།།
375b2 ངེས་པར་འགྲུབ་འགྱུར་ཐེག་པའི་དངོས། །ཐམས་ཅད་བདེན་པ་འདི་རྣམས་བསྟན། །དེ་ལྟའི་ཆོས་ནི་བསྒོམ་པ་ཡི། །དངོས་པོ་རྡོ་རྗེའི་རང་བཞིན་ནོ། །མཁའ་དང་མཉམ་པའི་སེམས་ནི
375b3 སྨད་མི་བྱ། །གང་ཡང་དྲི་མ་ཅིས་ཀྱང་གོས་པ་མིན། །ཀྱེ་རྣལ་འབྱོར་པ། བཅོམ་ལྡན་འདས་ཡུམ་སྐུལ་བྱེད་མ་ནི་དང་པོའི་རང་བཞིན་ཏེ། །རྡོ་རྗེ་བསྐྱེད་པར་བསྒོམས་པས་སངས་རྒྱས་བསྐྱེད་མཛད
375b4 པའོ། །ལྷ་མོ་རྣམས་ནི་ལྷ་དང་གཅིག་པའི་རང་བཞིན་ཏེ། །རྡོ་རྗེ་སེམས་དཔའ་སངས་རྒྱས་འབྱོར་པ་བསྐྱེད་མཛད་པའོ། །རྗེས་སུ་འཛིན་པས་བསྒོམ་པའི་སེམས་དང་ནི། །ཡི་གེ་ཧཱུཾ་གིས་ཀྱང་ནི་དེ
375b5 འགྲུབ་འགྱུར། །བརླ་དང་རྐང་པ་དག་ཏུ་རྣམ་རྟོག་པའི། །རྨོངས་པ་ཡིད་ལ་བྱ་བ་མ་ཡིན་ནོ། །འཇིག་རྟེན་གསུམ་གྱི་འཁོར་ལོ་འདི་ཉིད་ནི། །རྡོ་རྗེའི་འོད་ཟེར་གྱིས་ནི་ཡང་དག་བཅིངས། །སྔགས
375b6 པས་ནམ་མཁའི་ཁམས་སུ་ཁྲོ་བོའི་ལྷ། །བྱེ་བ་སྟོང་ཕྲག་དག་ནི་སྤྲོ་བྱ་སྟེ། །གཅིག་པའི་ངོ་བོར་གྱུར་པའི་རྡོ་རྗེར་ནི། །སླར་ཡང་ངེས་པར་བསྡུ་བར་བྱ་བ་ཡིན། །བྱང་ཆུབ་ཐེག་པ་སེམས་ཀྱི་རང་བཞིན
375b7 ཏེ། །བྱང་ཆུབ་ཀྱང་ནི་སེམས་ཀྱི་རང་བཞིན་ནོ། །གཉིས་ཀ་རང་བཞིན་སེམས་ཀྱི་ཐེག་པ་སྟེ། །སེམས་ཀྱང་མཁའ་དང་མཉམ་པའི་རང་བཞིན་ནོ། །རྒྱུད་གཞན་དང་ཐུན་མོང་བའི་ལེའུ་སྟེ་ལྔ་པའོ།། །།
iiif viewer powered by OpenSeadragon
