| e-texts navigator |
| Wylie |
375a1 འདུན་དང་ནི་རྡོ་རྗེའི་ཆུ་སྟེ་དེ་རྣམས་མཉམ་པའི་རང་བཞིན་ཏེ། །ཞག་དང་ཁྲག་སོགས་མཆོག་ཏུ་མཛེས་པར་རབ་བཞུགས་དངོས་པོའི་ལུས་ནི་བསྒྱུར་བར་བྱ། །
375a2 བཟའ་དང་བཅའ་དང་མལ་བསྟན་ལ་སོགས་དེ་རྣམས་ཐམས་ཅད་འདིའི་རང་བཞིན། །གང་ཞིག་ཏིང་ངེ་འཛིན་དུ་ངེས་པར་བསྟན་པའང་དེ་དང་གཅིག་པའི་རང་བཞིན་ནོ། །སངས་རྒྱས་ཀྱིས་ནི
375a3 གསུམ་ཆར་རྡོ་རྗེའི་ངོ་བོར་མཛད། །ཆོས་རྣམས་ཐམས་ཅད་དངོས་པོ་མེད་པའི་རང་བཞིན་ཏེ། །རྡོ་རྗེ་ཅན་གྱིས་སྒྱུ་མའི་རང་བཞིན་ཉིད་དུ་གསུངས། །དེ་ཡི་རང་བཞིན་མཁའ་མཉམ་སོ་སོར
375a4 སྣང་བར་འགྱུར། །སྒྱུ་མའི་ངོ་བོར་ངེས་པར་བསྟན་པ་ཡིས། །རྡོ་རྗེ་ཡི་ནི་ངེས་པར་འཇུག་པར་བྱ་བ་སྟེ། །སེམས་ཅན་རང་བཞིན་ལ་ནི་ཐེག་པར་མེད། །སེམས་ནི་དེ་ལ་གནས་པའི་སྙིང་པོའོ། །
375a5 དེ་ལྟའི་ངོ་བོས་ཐུགས་ཀྱི་བདག་ཉིད་ཀྱི། །སྔགས་པ་ཁྱོད་ནི་འགྲུབ་པར་འགྱུར་བ་སྟེ། །ཐུགས་དང་སྤྲོ་དང་སླར་ཡང་བསྡུས་བྱ་བ། །གསུམ་ཅར་ཡང་ནི་གཅིག་པའི་རང་བཞིན་ནོ། །སེམས
375a6 ནི་རི་རབ་ཧཱུཾ་དང་མཉམ་བྱས་ཏེ། །དག་པའི་སངས་རྒྱས་སུ་ནི་སེམས་སླར་བསྐྱེད། །སེམས་དུབ་གྱུར་ན་སླར་ཡང་བསྡུ་བ་དག་།དེར་ནི་སྔགས་པས་དེས་བརྟག་བསྒོམ་པར་བྱ། །བསྡུས་པའི
375a7 ངོ་བོས་སླར་ཡང་སྦྱར་བར་བྱ། །རྡོ་རྗེ་སེམས་དཔའ་དེར་ནི་སྐུ་གཡོས་མཛད། །སླར་ཡང་ནམ་མཁའི་ངོ་བོས་ཁྲོ་བས་ཏེ། །དེ་ལྟར་སྤྲོས་དང་བསྡུས་པའི་རང་བཞིན་ནོ། །དེ་ལ་རྡོ་རྗེ་སེམས
iiif viewer powered by OpenSeadragon
