| e-texts navigator |
| Wylie |
374a1 བའི་ཆོས་ནི་འབྱུང་བར་འགྱུར་བ་ཡིན། །དེར་ནི་རྡོ་རྗེའི་བཙུན་མོ་གཅིག་རང་བཞིན། །གང་ཚེ་རྡོ་རྗེ་ལ་ནི་དབྱངས་ཀྱིས་བསྟོད་པའི་ཚེ། །ལྷ་ཡི་གཡོན་གྱི་ཕྱེད
374a2 དང་གཅིག་ཏུ་གྱུར་པར་བལྟ། །ལུང་ཉིད་ཚད་མར་བྱས་ནས་རྡོ་རྗེ་སེམས་དཔའ་དེ་བསྒོམ་བྱ། །གསུང་གི་དཀྱིལ་འཁོར་གྱི་ལེའུ་སྟེ་གསུམ་པའོ།། །།གླང་པོ་དང་ནི་རྟ་དང་མི
374a3 དང་ཁྱི་དང་ནི། །བ་ལང་ཤ་སྟེ་ཐམས་ཅད་མ་ལུས་གྱུར་པ་རྣམས། །དམ་ཚིག་དེ་ཉིད་གཅིག་པའི་རང་བཞིན་ཉིད་ཡིན་ཏེ། །མཁའ་མཉམ་རང་བཞིན་ཅན་གྱི་རྣལ་འབྱོར་པས་བཟའ་བའི། །དམ
374a4 ཚིག་འདི་ནི་ལྷ་མ་བཞི་པོས་གསུངས་པའོ། །རྣལ་འབྱོར་པ་ལ་བསྒོམ་པའི་སེམས་དང་ལྡན་གྱུར་ཅིང་། །སེམས་གཅིག་པ་ནི་རྡོ་རྗེ་འཆང་ཉིད་འགྲུབ་འགྱུར་ཏེ། །དངོས་པོ་ཉིད་དང་བཅས་པའི
374a5 ཐུགས་ནི་སྐྱེ་བར་འགྱུར། །རྡོ་རྗེའི་དངོས་མཛད་ཞི་བ་མ་གསུངས་སྙིང་པོ་སྟེ། །འདི་ལྟར་ཆོས་རྣམས་མཉམ་པ་ཉིད་དུ་རྟོགས་བྱ་ཞིང་། །དེ་ལྟར་མཁའ་དང་མཉམ་པར་རྣམ་པར་དཔྱད་པར་བྱ། །
374a6 ལྷ་འདི་རྣམ་སྣང་ལྷ་མོ་ལྔ་རྣམས་དེའི་བདག་ཉིད། །རྡོ་རྗེ་ཐེག་པ་ལ་ནི་མཉམ་པའི་རང་བཞིན་ཏེ། །སྐུལ་བྱེད་མས་ནི་སྲིད་པའི་རང་བཞིན་ཡིན་ཕྱིར་རོ། །གཅིག་པའི་དང་པོ་རྡོ་རྗེ་སེམས་ཏེ
374a7 སྐུར་མཐོང་བ། །རྡོ་རྗེའི་ཐེག་པར་འདོད་རྣམས་ལྷ་མོས་འདི་སྐད་གསུངས། །བདེན་པ་བསྐྱེད་པ་འདི་ནི་རྣམ་སྣང་ལྷ་མོས་གསུངས། །འདི་ནི་ཟླ་བའི་དབུས་གནས་བསྒོམ་པ་རྡོ་རྗེའི་གསང
iiif viewer powered by OpenSeadragon
