| e-texts navigator |
| Wylie |
372b1 སངས་རྒྱས་རྣམས་ཀྱི་རྣམ་འཕྲུལ་ནི། །སྣ་ཚོགས་རྡོ་རྗེ་ཡིན་པར་འགྱུར། །དེ་ལས་གང་བྱུང་ལྷ་ཀུན་ཀྱང་། །རྡོ་རྗེ་སེམས་དཔའི་རྣམ་འཕྲུལ་ཡིན། །སེམས་ཅན་རྣམས་ནི་ཆོས་ཀྱི་ངོ་བོར་བལྟ། །
372b2 ས་གསུམ་ཐམས་ཅད་གཅིག་པའི་ངོ་བོ་ཉིད། །རོལ་པ་མཛད་པ་སངས་རྒྱས་ཀྱིས་གཟིགས་ཤིང་། །དེ་ཡིས་རྣལ་འབྱོར་དབང་ཕྱུག་མ་ཀུན་མཐོང་། །ལྷ་ཡི་དམ་ཚིག་གི་ལེའུ་སྟེ་དང
372b3 པོའོ། ། །།རྟག་ཏུ་མཆོག་ལྡན་ཁྱོད་ཀྱིས་ནི། །དམ་ཚིག་ལྷ་མོ་ཐམས་ཅད་ཀྱི། །མཆོག་ཏུ་གྱུར་པའི་ལྷ་མོ་ནི། །དུ་མཆིས་བདག་ཅག་ཞུ་བར་འཚལ། །
372b4 དེ་ལ་གྲུ་བཞི་གསུངས་པ་སྟེ། །སྟེང་དང་དབྱེར་མེད་བྱས་པའི་ཆོས་མཉམ་རང་སྣང་མ། །ཞི་ལ་ཐར་པ་མ་དང་མཆོག་ཏུ་མཉམ་བྱེད་མ། །གང་ཕྱིར་སྒྱུ་མའི་མཛད་པས་སངས་རྒྱས་རྣམས་དང
372b5 མཉམ། །མཁའ་མཉམ་ཐམས་ཅད་རོལ་པ་ཞི་བ་མེད་པའོ། །རུ་ལུ་རུ་ལུ་བྷྱོ་རུ་དྷ། །མཁའ་དང་མཉམ་པའི་ཆོས་རྣམས་ཀུན་ཏུ་རོལ་བ་སྟེ། །སྒྱུ་མའི་རང་བཞིན་དང་ནི་སྒྲ་བརྙན་ཆོས
372b6 མཉམ་སྣང་། །ལྷན་ཅིག་གནས་མིན་ཆ་སྟེ་རང་ཉིད་པི་ཝང་མཚུངས། །བྱས་པའི་སྣང་བ་དང་ནི་མཉམ་པར་གྱུར་པའོ། །གང་ཞིག་ཆོས་རྣམས་སྣང་བ་ནམ་མཁའ་དང་མཉམ་པ། །དེར
372b7 ནི་རྡོ་རྗེ་མཛད་པ་གཟུགས་ཅན་ལྟ་བུ་སྟེ། །རྡོ་རྗེའི་ཐེག་པ་དེར་ནི་གཟུགས་སོགས་འདོད་ཡོན་གྱི། །བདེ་བ་མི་ཟད་སྣ་ཚོགས་དང་མཉམ་སྩོལ་མཛད་པའོ། །རྣལ་འབྱོར་གནས་ནི་དུ་མའི
iiif viewer powered by OpenSeadragon
