| e-texts navigator |
| Wylie |
372a1 གཟུགས་ནི་ཡོངས་སུ་གྱུར་པ་ལས། །རྡོ་རྗེ་རང་བཞིན་ཉིད་དུ་བསམ་པར་བྱ། །མཆུ་ཡི་མཐའ་ནི་སྔགས་པས་བསྒོམ་བྱ་བ། །རང་གི་ངོ་བོ་ཉིད་ཀྱིས
372a2 རང་བཞིན་ཏེ། །གཉིས་སུ་མེད་པའི་སྐུ་ཡི་རང་བཞིན་ཅན། །རྡོ་རྗེ་སེམས་དཔའ་དམིགས་པར་བྱ་བའོ། །འདི་ནི་སེམས་ཉིད་ཡོངས་སུ་གྲུབ་པ་སྟེ། །རྡོ་རྗེ་འཛིན་པ་ཡིས་ནི་གསུངས་པ་ཡིན། །
372a3 གང་ཞིག་བསྒོམ་པ་འདི་ཡིས་སྒོམ་བྱེད་པ། །སེམས་ཀྱི་རང་བཞིན་ཉིད་ནི་འགྲུབ་པར་འགྱུར། །འདི་ནི་ལྷ་མོ་བཞི་རྣམས་རོ་གཅིག་པའོ། །ངོ་བོ་བློས་ནི་མཁའ་དང་མཉམ་ལས་བསྒོམ། །དེ
372a4 ལྟའི་ཆོས་བྱས་སེམས་ཀྱི་རང་བཞིན་ཏེ། །ལྷ་མོ་ཐར་པའི་རང་བཞིན་ཉིད་དུ་བསྒོམ། །རྡོ་རྗེ་སེམས་དཔའ་དེས་མཐོང་བ། །ཆོས་རྣམས་ཀུན་གྱི་རང་བཞིན་ཅན། །རྣལ་འབྱོར་གནས་དང
372a5 རོལ་བ་སྟེ། །ཐམས་ཅད་མཉམ་པའི་བཙུན་མོར་བཅས། །བཀོད་པ་དག་དང་ལྡན་པར་གནས། །མཁས་བཅས་དངོས་ལས་བྱུང་དེ་ལ། །རྡོ་རྗེ་སེམས་དཔའ་གང་མཐོང་བར། །
372a6 གཟུང་བ་སངས་རྒྱས་སྤྲོ་བསྡུའོ། །བཞི་ཡི་ངོ་བོ་ལྷ་མོ་བཞི། །དབུས་སུ་ངེས་པར་གནས་པ་སྟེ། །སྒྱུ་མ་ལྟ་བུའི་རང་བཞིན་གྱིས། །ས་གསུམ་ལ་ནི་ཁྱབ་པའོ། །ལྷ་ཡི་དེར་ནི་ཁ
372a7 བཞི་པའི། །ལྷ་ཚོགས་རྡོ་རྗེ་ཉིད་ཡིན་ནོ། །དེ་ལ་སངས་རྒྱས་རྣམས་ཀྱི་ནི། །རྣམ་འཕྲུལ་ཐམས་ཅད་འདི་ཡིའོ། །ཅི་ལྟ་ཅི་ལྟར་སེམས་ཅན་རྣམས། །སྐྱེ་བར་འགྱུར་བ་ལན་ཉིད་དོ། །
iiif viewer powered by OpenSeadragon
