| e-texts navigator |
| Wylie |
219b1 དབང་ནི་ཐོབ་པ་ལ། །བསྒྲུབ་པའི་དཀྱིལ་འཁོར་དབང་བསྐུར་བྱ། །དབང་བསྐུར་བ་ཡི་ཆོ་ག་དང་། །སྒྲུབ་པའི་ཆོ་གའང་དེ་བཞིན་སྦྱིན། །སློབ་མ་དམ་ཚིག་ཤེས་པ་ནི། །གཞན་རྣམས
219b2 ལ་ནི་རང་གི་སྔགས། །ཆོ་གར་བཅས་ཤིང་ཕྱག་རྒྱར་བཅས། །ཆོ་ག་རྒྱས་དང་བཅས་པར་སྦྱིན། །དཀྱིལ་འཁོར་ལེགས་པར་མ་མཐོང་བར། །གང་ཞིག་ཇི་སྟེ་སྔགས་ཟློས་ན། །དེས
219b3 ནི་དངོས་གྲུབ་ཐོབ་མི་འགྱུར། །ཤི་ན་ངན་སོང་ལྟུང་བར་།སྔགས་དང་ཕྱག་རྒྱ་ཆོ་ག་དག་།གང་ཞིག་དེ་ལ་སྟོན་པ་ཡང་། །དེ་ནི་དམ་ཚིག་ཉམས་གྱུར་ནས། །ངུ་འབོད་སེམས་ཅན
219b4 དམྱལ་བར་འགྲོ། །ཇི་སྐད་བཤད་པའི་དམ་ཚིག་རྣམས། །གལ་ཏེ་ཉམས་པར་གང་གྱུར་པ། །དེས་ནི་རང་གི་སྙིང་པའི་སྔགས། །གཅིག་འབུམ་དུ་ནི་བཟླས་བརྗོད་བྱ། །ཡང་ན་མེས་རྨོངས
219b5 བྱེད་པའི་གཟུངས། །སྟོང་དུ་བཟླས་བརྗོད་བྱས་ཀྱང་རུང་། །ཡང་ན་ཞི་བའི་སྦྱིན་སྲེག་བྱ། །ཡང་ན་དཀྱིལ་འཁོར་དུ་ཡང་འཇུག་།གཏི་མུག་དབང་གིས་མི་ཤེས་པར། །མི་གང
219b6 དཀྱིལ་འཁོར་འདྲི་བྱེད་པ། །དེ་ནི་མཚམས་མེད་ལྔ་རྣམས་དང་། །འདྲ་བའི་གནས་སུ་འགྲོ་བར་འགྱུར། །གང་ཞིག་བསོད་ནམས་ལས་བྱེད་པ། །ཆོ་ག་ལེགས་པར་འདྲི་ན་ནི། །བྱང
219b7 ཆུབ་སེམས་དཔའ་མཐུ་ཆེན་ཏེ། །འདོད་པའི་གནས་ནི་དམ་པར་སྐྱེ། །གཤེད་བྱེད་རྣམས་དང་རོ་ལངས་དང་། །ཤ་ཟ་ལྟོ་འཕྱེ་ཆེན་པོ་དང་། །རྣམ་པ་སྣ་ཚོགས་གདོན་རྣམས་དང་།།
iiif viewer powered by OpenSeadragon
