| e-texts navigator |
| Wylie |
102b1 ཕན་ཚུན་ཤེས་ཤིང་ཡང་དག་བརྡ་སྤྲོད་པའང་། །དབྱངས་ཅན་ཁྱོད་ཀྱི་མཐུ་སྟེ་བསམ་མི་ཁྱབ། །གཟུངས་དང་ཆོས་ཀྱི་སྟོབས་ལ་དབང་བརྙེས་པ། དམ་ཚིག་བདེན་གྲུབ་དྲང་སྲོང་ཤེས་ཉེན་ཅན། །
102b2 ལུས་སེམས་ངག་རྣམས་བྱིན་གྱིས་རློབ་པ་དང་། །ཡིད་འོང་སྒྲས་ཀྱང་འཇིག་རྟེན་ཚིམ་པར་བྱེད། །བྱང་ཆུབ་མཆོག་གི་སྤྱོད་ཕྱིར་སུ་དག་མོས། །བདག་དང་གཞན་དོན་ཕུན་སུམ་ཚོགས
102b3 འགྱུར་བའི། །ལུས་དང་ངག་ཡིད་རྣམ་དག་མཆོག་འདོད་ལ། །བཅོམ་ལྡན་འདས་མས་རྟག་ཏུ་དོན་མཆོག་སྩོལ། །བདག་ནི་དཔའ་ཞིང་བྱང་ཆུབ་ལམ་བརྩོན་དང་། །ལྕེ་ཡི་དབང་པོ་དག་ཅིང
102b4 ཚིག་བཙུན་ལ། །རིག་པའི་གཏེར་ལྡན་སྨྲ་ལ་ཐོགས་མེད་དང་། །བདེ་གཤེགས་སྤོབས་པ་ཉེ་བར་སྒྲུབ་ཏུ་གསོལ། །རིག་པའི་ཡུམ་གྱི་རང་བཞིན་རྟོག་ལས་བདེན། །སྙན་པའི་རྒྱལ་མཚན
102b5 དགའ་བའི་ཤུགས་ཀྱིས་བསྐྱོད། །མཁའ་ལ་སྣ་ཚོགས་རྣམ་པར་དྲི་འདོད་ལྟར། །མཚན་ཉིད་རྟོགས་དཀའ་ཡོན་ཏན་གཏིང་མཐའ་མེད། །ན་མོ་བྷ་ག་ཝ་ཏེ། བྲཧྨ་ཎེ། ན་མཿསྭ་ར་སྭ་ཏྱཻ་དེ་བི
102b6 སིདྡྷྱ་ནྟུ་མནྟྲ་པཱ་ད་ཏཾ་བྲ་ཧྨཱ་ནུ་མནྟྲ་སྭཱ་ཧཱ། དཔལ་ལྷ་མོ་སྒྲ་དབྱངས་ལ་བསྟོད་པ་རྫོགས་སོ།། །།རྒྱ་གར་སྐད་དུ། རྒྱ་གར་སྐད་དུ། ཨཱཪྱ་ཤྲཱི་མ་ཧཱ་དེ་བི་བྱཱ་ཀ་ར་ཎ། བོད་སྐད་དུ། འཕགས་པ་ལྷ་མོ་ཆེན་མོ
102b7 དཔལ་ལུང་བསྟན་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ནི། བཅོམ་ལྡན་འདས་བདེ་བ་ཅན་ན་བྱང་ཆུབ་སེམས
iiif viewer powered by OpenSeadragon
