| e-texts navigator |
| Wylie |
223b1 དང་ལྔ་བརྗོད་པ། སྐྱི་ཟིང་བྱེད་པ་ཞིག་དང་ཕྲད་ནས་བདག་ཅག་གཉིས་ཀྱིས་བསམ་པས་དགོན་པ་བས་གྲོང་ཡུལ་ཐག་ཉེ་ལ་ཟས་མོད་པས་གྲོང་ཁྱེར་དུ་ཕྱིན་ཏེ་བསླངས
223b2 པས་དཀར་གསུམ་དང་། མངར་གསུམ་དང་འབྲས་དང་། ནས་ཀྱི་ཟན་ལ་སོགས་པ་བཟའ་བ་དང་བཏུང་བ་མང་དུ་རྙེད་ནས་ཡི་དྭགས་མོ་དེའི་དྲུང་དུ་ཁྱེར་ནས་བསྟབས
223b3 བས་ཁ་ནས་གོང་གི་སྒྲ་རྣམ་པ་ལྔ་བརྗོད་ཅིང་གང་བྱིན་པ་མི་ལེན་པར་བྲོས་ཏེ་ཐལ་ན། འདི་ཅི་ལས་གྱུར་པ་དང་། འདི་ལ་སྨན་པའི་ཐབས་ཅི་མཆིས་ཞུ་རུ་མཆིས་པ
223b4 ལགས་སོ། །བཀའ་སྩལ་པ། རིགས་ཀྱི་བུ་དག་།དེ་ནི། ཤིན་ཏུ་ལེགས་སོ། །ངས་བཤད་ཀྱི། ལེགས་པར་ཉོན་ལ་ཡིད་ལ་ཟུངས་ཤིག་།དེ་ཅི་ལས་གྱུར་ན།
223b5 ལུས་སྲོ་ལ་སྐམ་པ་ནི། རང་གིས་ཟ་མ་ཕོད་པ་ལས་གྱུར་པའོ། །སྐེ་ཕྲ་བ་ནི། གཞན་ཟ་ཞིང་སྤྱོད་པ་ལ་བདག་གིས་སེར་སྣ་བྱས་པ་ལས་གྱུར་ཏོ། །ཡན་ལག་ཕྲ་ལ
223b6 སོར་མོས་ཐད་ཀར་ཕུག་པ་ནི། གཞན་ལ་སྦྱིན་པ་དག་ལ་ཆེས་ཀྱིས་ཕྲི་ལ་བྱིན་ཅེས་བྱས་པ་དང་། རང་གིས་ཀྱང་སྤྱོད་མི་ཕོད་པ་ལས་གྱུར་ཏོ། །སྐྲ་འཛིངས་པ་ནི།
223b7 ཀུན་གྱི་ཡིད་དུ་མི་འོང་བ་བྱས་པ་ལས་གྱུར་ཏོ། །མིག་དམར་བ་ནི། འདོད་ཆགས་ཀྱིས་ཡོངས་སུ་རྒྱས་པ་ལས་གྱུར་ཏོ། །གཡོན་དུ་ཡོ་བ་ནི། མིག་མི་ལེགས་པར
iiif viewer powered by OpenSeadragon
