| e-texts navigator |
| Wylie |
202b1 མེ་འབར་རྒྱ་མཚོ་སྐམ། །རྡོ་རྗེ་འཕྱར་བས་རི་རབ་ཚོགས་པོར་འཕེན། །བདག་གིས་བཙུན་པར་ལྷ་མོ་ཁྱོད་ལ་བསྟོད། །དེ་ནས་ཡང་གཤིན་རྗེ་ནག་པོས་དཔལ་ལྷ་མོ་ལ་ཆེ་བའི་ཡོན
202b2 ཏན་གྱི་སྒོ་ནས་བསྟོད་པ། ལྷ་མོ་དཔལ་ལྡན་མཁའ་འགྲོ་ནག་མོ་ཁྱོད་ལ་ནི། །རྒྱུན་དུ་ཏིལ་མར་གྱིས་བྱུགས་ལན་བུ་གཅིག་མ་སྟེ། །རོ་ཉེ་རྣ་ཆས་བསྒྱིངས་ཤིང་ཆ་ལུགས
202b3 མང་པོ་འཆང་བྱེད་མ། །རྒྱུན་དུ་རྐང་སྒྲོག་ལྕགས་ལ་བྱས་པ་གཅིག་གིས་རྐང་ལ་མཛེས་པར་བརྒྱན་པ་སྟེ། །མཚན་མོ་བོང་བུ་ཞོན་ནས་འགྲོ་བ་དེ་ནི་ནག་མོ་ཁྱོད་ཉིད་ཡིན
202b4 པར་ཤེས། །རལ་པས་བདག་ཉིད་མཛེས་པར་བརྒྱན་ཏེ་ཁྱོད་ཀྱི་སྤྱོད་པ་མཚོ་ཆེན་དོན་དག་སུ་ཡིས་ཤེས། །འཁོར་བ་འཇིག་པའི་ཚེ་ན་མི་རུས་དག་ལ་ཁྲག་དང་ཞག་འཛག་དུ
202b5 བ་འཐུལ་བ་ན། །ནག་མོ་མཆེ་བ་མི་བཟད་ཁྱོད་ཀྱི་ཞལ་དུ་འགྲོ་ཀུན་སྐད་ཅིག་ཙམ་དུ་ཞུགས་པར་འགྱུར། །ལྷ་མོ་ལག་ན་མི་ཐོད་ཐོགས་པ་ཁྱོད་ནི་རྣལ་འབྱོར་གྲུབ་པའི་རྣལ
202b6 འབྱོར་ཅན་དུ་དུར་ཁྲོད་དགྱེས། །ཁྱོད་ནི་གཡོག་བཅས་མྱ་ངན་མེད་ཅིང་འཆི་བའི་འཇིགས་པ་མེད་པར་དྲིལ་བུའི་སྒྲ་ཡང་སྒྲོག་།ཁྱོད་ནི་དཔའ་བོ་དག་གི་མགོ་བཅད་གཡུལ་དུ
202b7 མཚོན་གྱིས་བསད་པ་ཡི། །མགོ་ཕྲེང་ལག་ན་ཐོགས་ཤིང་གར་ཐབས་བསྐོར་ཞིང་ལག་པ་བརྐྱང་བསྐུམ་ཆེ། །རྐུབ་ཚོས་ཆེ་ལ་ཀླུ་དབང་གཤིབས་པའི་སྐ་རགས་བཅིངས་ཤིང
iiif viewer powered by OpenSeadragon
