| e-texts navigator |
| Wylie |
201b1 བཅུར་འགྱེད་པའི་རྟགས། །དབུ་ལ་ཐོད་རློན་ཕེང་བ་བཅིངས་པ་ནི། །ཐུགས་རྗེ་སྤྲུལ་སྐུས་འགྲོ་དོན་མཛད་པའི་རྟགས། །གཡས་ན་སེངྒེ་འགྱིང་ཞིང་མཆོང་བ་ནི། །སྨན་མོ་ཐམས
201b2 ཅད་ཟིལ་གྱིས་གནོན་པའི་རྟགས། །གཡོན་ན་སྦྲུལ་མགོའི་གདེངས་ཀ་འཕྱར་བ་ནི། །ཞེ་སྡང་མ་སྤངས་དབྱིངས་སུ་དག་པའི་རྟགས། །སྙན་ཆ་གསེར་གྱི་དྲིལ་བུ་འཁྲོལ་བ
201b3 ནི། །སངས་རྒྱས་ཀུན་ལ་བསྙེན་སྒྲུབ་བྱེད་པའི་རྟགས། །སྤྱན་རྩ་དམར་ལ་སྡང་མིག་བགྲད་པ་ནི། །སྲིད་གསུམ་རྣལ་འབྱོར་དམ་ཚིག་གཟིགས་པའི་རྟགས། །ཞལ་གྱིས་དྲག
201b4 པོ་ཧོམ་ཁུང་གདང་པ་ནི། །བསྟན་པ་འཇིག་པའི་རུ་ཏྲ་སྒྲོལ་བའི་རྟགས། །རྣོ་གདུག་མཆེ་བ་ཟུར་གསུམ་གཙིགས་པ་ནི། །བསྒྲལ་བའི་ཞིང་བཅུ་ས་ལ་སྒྲོལ་བའི་རྟགས། །
201b5 སྐུ་ལ་ཞིང་སྤགས་གཡང་གཞི་གསོལ་བ་ནི། །ཡང་དག་ཆོས་དང་དོན་དང་ལྡན་པའི་རྟགས། །གླང་ཆེན་ཀོ་རློན་སྣམ་ཕྱེད་དཀྲིས་པ་ནི། །ཐེག་པ་མཆོག་གི་དོན་དང་ལྡན
201b6 པའི་རྟགས། །རེ་ལྡེ་ནག་པོས་སྣམ་ཕྱེད་དཀྲིས་པ་ནི། །འཇིག་རྟེན་འདི་ན་མཆེ་བཙན་ལྡན་པའི་རྟགས། །ལྟེ་བའི་ཁུང་ནས་ཉི་མ་འཆར་བ་ནི། །སྡུག་བསྔལ་རྒྱ་མཚོ་བཏིང
201b7 ནས་སྐེམ་པའི་རྟགས། །སྤྱི་བོའི་གཙུག་ནས་ཟླ་བ་འཆར་བ་ནི། །དུག་གསུམ་མ་རིག་མུན་པ་སེལ་བའི་རྟགས། །ཞབས་ལ་དབང་གི་ལྕགས་སྒྲོག་འཁྲིལ་བ་ནི། །ཐབས
iiif viewer powered by OpenSeadragon
