| e-texts navigator |
| Wylie |
201a1 ཀུན་ཏུ་འགྲོ་དོན་ལ། སྒྱུ་འཕྲུལ་དྲ་བའི་ཚུལ་གྱིས་བསྐུལ་བར་སྤོབས། །ཡང་དག་ཁྱེད་ཀྱི་ཡོན་ཏན་སྐུ་མཆོག་ནི། །གདུག་པ་འདུལ་ཞིང་བསྟན་པ
201a2 བསྲུང་བའི་ཕྱིར། །སེམས་ཅན་ཟད་པར་མ་གྱུར་བར་དུ་ནི། །མྱ་ངན་མི་འདའ་བཞུགས་པར་གསོལ་བ་གདབ། །འདི་ལྟར་ཕྱག་འཚལ་མཆོད་ནས་བཤགས་པ་དང་། །རྗེས་སུ་ཡི
201a3 རང་བསྐུལ་ཞིང་གསོལ་བཏབ་ནས། །དགེ་བ་འདི་ཡི་ངན་སོང་སྟོངས་གྱུར་ཏེ། །ཐམས་ཅད་ཚོགས་རྫོགས་བྱང་ཆུབ་ཆེན་པོར་བསྔོ། །དེ་ནས་དཔལ་ལྡན་ལྷ་མོ་ལ་ནམ་མཁའི་ལྷ
201a4 བྲན་རྣམས་ཀྱིས་བསྟོད་པ། བསྐལ་བ་མེ་ལྟར་འབར་བའི་ཀློང་དཀྱིལ་ན། །རླུང་ནག་དགུ་པའི་ཀློང་དཀྱིལ་ཕོ་བྲང་ནས། །མ་གཅིག་འདོད་པའི་ཁམས་ཀྱི་དབང་ཕྱུག་མ། །བདུད་ཀྱི
201a5 ཡུམ་ལ་གཤིན་རྗེའི་ལྕམ་གཅིག་མ། །དཔལ་ལྡན་ལྷ་མོ་ནག་མོ་རེ་མ་ཏི། །ནག་མོ་ཟ་བྱེད་རྔམ་པའི་མཆེ་བ་ཅན། །མཐིང་ནག་གཅེར་བུ་ཁྲག་གི་རལ་པ་ཅན། །ཁྱོད་ཀྱི་སྐུ
201a6 མདོག་ནག་མོར་བཞུགས་པ་ནི། །དོན་དམ་དབྱིངས་ཀྱི་སྐྱོད་པ་མེད་པའི་རྟགས། །དབུ་སྐྲ་གཡས་ནས་གཡོན་དུ་འཁྱིལ་བ་ནི། །ཡུམ་གྱི་མཁའ་ལ་སྤྲུལ་པ་འགྱེད་པའི་རྟགས། །
201a7 དབུ་གཙུག་རལ་པ་གཅིག་ཏུ་འཁྱིལ་བ་ནི། །དོན་དམ་དགོངས་སྤྱོད་གཅིག་ཏུ་མཛད་པའི་རྟགས། །རལ་བའི་གསེབ་ནས་མེ་སྟག་འཕྲོ་བ་ནི། །ཐུགས་ཀྱི་སྤྲུལ་པ་ཕྱོགས
iiif viewer powered by OpenSeadragon
