| e-texts navigator |
| Wylie |
196b1 འདི་དག་རྣམ་པར་རྫོགས་པར་བྱས་ནས་ནི། །སངས་རྒྱས་ས་ལ་སྨིན་པའི་སྨོན་ལམ་ཅན། །ས་བརྒྱད་ནོན་པས་གཞོན་ནུའི་ཚུལ་འཆང་མ། །འགྲོ་བ་འདུལ་ཕྱིར་དྲག་མོའི
196b2 ཚུལ་སྟོན་ཅིང་། །གདུག་པ་འདུལ་མཛད་ཁྱོད་ལ་ཕྱག་འཚལ་བསྟོད། །བདག་ཀྱང་ཁྱོད་ཀྱི་ལམ་ལྟར་མྱུར་འགྲུབ་ཤོག་།དེ་ནས་མི་འམ་ཅིའི་རྒྱལ་པོ་ལྗོན་པ་རྟ་མགོ
196b3 ཅན་གྱིས་དཔལ་ལྷ་མོ་ནག་མོ་ཆེན་མོ་ལ་གཉིས་སུ་མེད་པའི་སྒོ་ནས་བསྟོད་པ། དཔལ་ལྡན་ལྷ་མོ་གཉིས་སུ་མེད་པ་སྟེ། །དོན་དམ་སྤྲོས་བྲལ་ཆོས་ཉིད་འདི་ལས
196b4 བརྩལ། །དོན་དམ་ཀུན་རྫོབ་གཉིས་སུ་མེད་པས་བདེན། །འཁོར་བ་མྱ་ངན་གཉིས་སུ་མེད་པས་ཟབ། །སེམས་ཅན་སངས་རྒྱས་གཉིས་སུ་མེད་པས་འཕགས། །ལས
196b5 དང་རྣམ་སྨིན་གཉིས་སུ་མེད་པས་བསྟོད། །རྒྱུ་དང་འབྲས་བུ་གཉིས་སུ་མེད་པས་སྨིན། །ཡུལ་དང་ཡུལ་ཅན་གཉིས་སུ་མེད་གཅིག་གི་དང་། །སྤྲོས་དང་སྤྲོས་མེད་དོན་དམ
196b6 དབྱིངས་ཀྱིས་བསྡུས། །བསོད་ནམས་ཡེ་ཤེས་གཉིས་མེད་ཚོགས་ཆེན་ཏེ། །མཐོང་དང་དམ་པ་གཉིས་མེད་དག་པས་བསྟོད། །བདག་དང་གཞན་གྱི་ཆོས་ནི་ངང་ཚུལ
196b7 གཅིག་། གཟུང་དང་འཛིན་པ་གཉིས་མེད་ཟབ་མོའི་མཐུ། །མཐོ་རིས་ངན་སོང་གཉིས་བྲལ་དག་པའི་ཞིང་། །བཟང་ངན་གཉིས་མེད་རང་བཞིན་གཅིག་གིས་བསྟོད། །སྐྱེ་མེད
iiif viewer powered by OpenSeadragon
