| e-texts navigator |
| Wylie |
188a1 བསྟན་ཏེ་སྐུ་གཟུགས་བཞུགས་སུ་གསོལ་ལ་དྲི་དང་། མེ་ཏོག་དང་། བདུག་པ་དང་། ཡང་ན་ཉེ་བར་ལོངས་སྤྱོད་པའི་གཏོར་མ་བྱས
188a2 ལ་བཟླས་པ་བྱས་ཏེ་འབྲུའི་ཕུང་པོ་མཚམས་བཞིར་གཞོན་ནུ་མ་གསར་དུ་བག་མ་བྱས་ཤིང་ཁྱོ་ཡོད་པའི་བུད་མེད་བཞི་ལ་སྟོན་མོ་བྱས་ལ། དེ་སྙེད་ཀྱི་མཐར་ཟད་པ
188a3 མེད་པར་གནས་སོ། །དེ་ནས་སྐྱེས་བུས་འབྲུ་འདྲལ་ཞིང་གྲངས་བྱེད་པའི་དཔྲལ་བ་ལ་སྔགས་དགོད་པར་བྱའོ། །བཅོམ་ལྡན་འདས་མའི་སྔགས་དེ་སྲེད་དུ་སྨྲ་བཅད
188a4 བྱས་ལ་བཟླས་པ་བྱའོ། །ཇི་སྙེད་དུ་སྔོ་ལ་བལྟས་ན་གཉིས་འགྱུར་དུ་འགྲོ་བར་འགྱུར་རོ། །དེ་སྙེད་བཟླས་པ་བྱའོ། །དེ་ནས་འབྲུའི་ལྷག་མ་དེ་མི་འཇལ་བར་འཆིང
188a5 པའི་མི་ལ་སོགས་པ་བོས་ཤིང་སྦྱིན་པའམ། དགེ་འདུན་ལ་སྦྱིན་པར་བྱའོ། །གཡུལ་འཆག་པའི་ཆོ་གའོ། །ད་ནི། འབྲུ་བང་མཛོད་དུ་འཇུག་པའི་ཆོ་ག
188a6 བཤད་པར་བྱ་སྟེ། དང་པོ་རེ་ཞིག་མཛོད་ཀྱི་སྒོ་གཡས་གཡོན་དུ་འབྱུང་པོ་གཉིས་གཅེར་བུ་གསུས་པ་འཆང་བ། དབང་པོ་འཕྱང་བ། གཡོན་པའི་ལག་ན་འབྲུའི
188a7 སྣོད་གཟུང་ཞིང་འབྲུ་སྐྱུག་བཞིན་པ། གསེར་གྱི་མདོག་རྒྱན་ཐམས་ཅད་ཀྱིས་བརྒྱན་པ་གཉིས་བྲི་བར་བྱའོ། །མཛོད་ཀྱི་ཁང་པར་ཡང་དྲི་དང་། བྱུག་པ་དང་། མཆོད
iiif viewer powered by OpenSeadragon
