| e-texts navigator |
| Wylie |
184a1 གཟུངས་རྫོགས་སོ། ། །།དེ་ནས་བཅོམ་ལྡན་འདས་མ་ནོར་རྒྱུན་མའི་རྟོག་པ་བཤད་པར་བྱ་སྟེ། དང་པོ་རེ
184a2 ཞིག་དཔྱིད་ཟླ་ཐ་ཆུང་གི་དཀར་པོའི་ཕྱོགས་ཀྱི་ཚེས་གཅིག་ལ་རྒྱ་མཚོར་འབབ་པའི་ཆུ་བོར་སོང་སྟེ། དེ་ནས་ནུ་མའི་བར་དུ་ཆུའི་ནང་དུ་ནུབ་པར་བྱས་ཏེ་འདུག
184a3 ལ་ཉི་མ་ལ་སྔོན་དུ་ཕྱོགས་པར་ཡོངས་སུ་བརྟགས་ལ་ཇི་སྙེད་གནས་ཀྱི་བར་དུ་བཟླས་པ་བྱའོ། །བཟའ་བ་ཐམས་ཅད་སྤངས་ཏེ་ཉོན་མོངས་ཤིང་སྨྲ་བཅད
184a4 བྱས་ཏེ་ནུབ་བདུན་དུ་བཟླས་པ་བྱའོ། །དེ་ནས་བཅོམ་ལྡན་འདས་མའི་ཐང་སྐུ་ཡང་དབུ་སྐྲ་མ་གཏོགས་པར་གུར་གུམ་དང་། ཙནྡན་གྱིས་བྱུག་པར་བྱ་བ་ནི།
184a5 ནུབ་མོ་སྔ་བར་ལངས་ཏེ་ཆུར་ཁྲུ་བདུན། ཞེང་དུ་ཁྲུ་བཅུ་དང་བཅས་པ་ལ་ཚོན་སྣ་མ་ལུས་པ་གསོ་སྦྱོང་དང་ལྡན་པའི་ལྷ་བཟོས་བཅོམ་ལྡན་འདས་མ་མདོག
184a6 ལྗང་སེར་སྣ་ཚོགས་པའི་རྒྱན་གྱིས་བརྒྱན་པ། ཕྱག་གཡས་པ་ན་འབྲས་བུ་ཆེན་པོ་བསྣམས་པ། ཕྱག་གཡོན་པ་ན་སྒྲུབ་པ་པོ་རྣམས་ལ་སྟེར་བའི་རིན་པོ
184a7 ཆེའི་ཟ་མ་ཏོག་མུ་ཏིག་དང་། རྡོ་རྗེ་ཕ་ལམ་དང་། བཻ་ཌཱུཪྱའི་འབྲས་བུ་ཅན་བསྣམས་པའི་ཕྱག་དང་ལྡན་པར་བྱའོ། །སྟེང་དུ་ལྷའི་བུ་རིན་པོ་ཆེ་ཆར་མངོན་དུ་འབེབས
iiif viewer powered by OpenSeadragon
