| e-texts navigator |
| Wylie |
292a1 གོས|་|ཐམས་ཅད་སེལ་བར་བྱེད་པའི་མཆོག་། ལྷ་དང་ཀླུ་དང་གནོད་སྦྱིན་གདོན། །ཐམས་ཅད་མ་ལུས་དགའ་བར་མཛད། །ནད་དང་རིམས་དང་དལ་ཀ་ཡམས། །བསྲུང
292a2 བའི་ལས་མཛད་ཕྱག་འཚལ་བསྟོད། །བདག་ལ་བསྲུང་བ་མཛད་དུ་གསོལ། །མི་གཙང་བ་རྣམས་གཙང་བར་མཛད། །སྨེ་བ་རྣམས་ནི་མི་སྨེར་མཛད། །ལྕི་བ་རྣམས་ནི་ཡང་བར་མཛད། །དོག
292a3 པ་ཡངས་པར་མཛད་ལ་བསྟོད། །ཁྲོ་བོའི་རྒྱལ་པོ་སྨེ་བརྩེགས་ཁྱེད། །སངས་རྒྱས་ཀུན་གྱིས་བྱིན་གྱིས་བརླབས། །གང་དག་ཁྱེད་ལ་མོས་རྟེན་རྣམས། །ལུས་བདེ་སེམས་བདེ་དབང་པོ་བདེ། །བདེ་བའི
292a4 ལྷ་ལ་ཕྱག་འཚལ་ལོ། །ལུས་དག་སེམས་དག་དབང་པོ་དག་།དག་པའི་ལྷ་ལ་ཕྱག་འཚལ་ལོ། །ལུས་གཙང་སེམས་གཙང་དབང་པོ་གཙང་། །གཙང་བའི་ལྷ་ལ་ཕྱག་འཚལ་ལོ། །ལུས་དང་སེམས་དང
292a5 དབང་པོ་དང་། །དང་བའི་ལྷ་ལ་ཕྱག་འཚལ་ལོ། །ལུས་གསལ་སེམས་གསལ་དབང་པོ་གསལ། །གསལ་བའི་ལྷ་ལ་ཕྱག་འཚལ་ལོ། །ལྷ་ཀླུ་ཡི་དྭགས་འདྲེ་སྲིན་སོགས། །གནོད་སྦྱིན་འབྱུང་པོས་འདི
292a6 ཐོས་ན། །སྡུག་བསྔལ་ཞི་ནས་བདེ་བར་འགྱུར། །གངས་རྒྱུད་བཞིན་དུ་དཀར་པར་འགྱུར། །ཤེལ་དཀར་བཞིན་དུ་གཙང་བར་འགྱུར། །མེ་ལོང་བཞིན་དུ་གསལ་བར་འགྱུར། །ནམ་མཁའ་བཞིན་དུ་དང་བར
292a7 འགྱུར། །ས་དང་མཁའ་ལ་འཁོད་པ་ཡི། །ལྷ་ཀླུ་ལ་སོགས་སྡེ་བརྒྱད་ཀུན། །དགེ་བའི་བསམས་པས་འཁོད་འགྱུར་ཏེ། །གཞན་ལ་མ་གནོད་ཞི་བར་མཛོད། །ཁྲོ་བོའི་རྒྱལ་པོ་སྨེ་བརྩེགས་ལ་བསྟོད
iiif viewer powered by OpenSeadragon
