| e-texts navigator |
| Wylie |
291b1 བ་ཞེས་བྱ་བའི་གཟུངས་རྫོགས་སོ། ། །།རྒྱ་གར་སྐར་དུ། ཀྲོ་དྷ་བྷུར་ཀུཾ་ཀཱུ་ཊ་རཱ་ཛ་སྟོ་ཏྲ་མནྟྲ། བོད་སྐད་དུ། ཁྲོ་བོའི་རྒྱལ་པོ་སྨེ་བརྩེགས་ལ་བསྟོད་པའི་སྔགས། དཀོན་མཆོག
291b2 གསུམ་ལ་ཕྱག་འཚལ་ལོ། །ོཾ་བྷུར་ཀུཾ་མ་ཧཱ་པྲཱ་ཎཱ་ཡ། བྷུར་ཙི་བྷུར་ཀི་མ་ནཱ་སེ། ཨུ་ཙུ་སྨ་ཀྲོ་དྷ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཕྱག་འཚལ་ཕྱག་འཚལ་ཕྱག་འཚལ་བསྟོད། །ཁྲོ་ལ་ཁྲོས་པས་ཁྲོ་བོ་ཆེ། །
291b3 སངས་རྒྱས་སངས་རྒྱས་སྔར་སངས་རྒྱས། །ཆོས་སྐུ་ལོངས་སྐུ་སྤྲུལ་པའི་སྐུ། །སྨེ་བརྩེགས་ཞེས་བྱ་བདག་ཕྱག་འཚལ། །བསྐལ་པའི་མེ་ལྟར་འབར་དབུས་ན། །པད་མ་ཉི་ཟླའི་གདན་ལ་བཞུགས།།
291b4 ལྗང་ནག་ཆེན་པོ་སྨེ་བ་ཅན། །ཞལ་གསུམ་པ་ལ་ཕྱག་དྲུག་སྟེ། །གཡས་དཀར་གཡོན་དམར་དབུས་ལྗང་བ། །སྤྱན་གསུམ་འཇིགས་པའི་མཆེ་བ་འབྱིན། །མི་གཙང་བདུད་རྩི་སྨན་བཞིན
291b5 གསོལ། །གཡས་པ་རྡོ་རྗེ་རལ་གྲི་བསྣམས། །གཡོན་པ་ཞགས་པ་ལྕགས་ཀྱུའོ། །ཐ་མ་སྡིགས་མཛུབ་ཐུགས་ཀར་བསྣོལ། །སྨེ་གཙང་མེད་པའི་ལས་དག་བརྩོན། །གདུག་པ་སྦྲུལ་གྱིས
291b6 དབུ་ལུས་བརྒྱན། །འཇིགས་དངངས་མེད་པར་བརྟུལ་ཞུགས་སྤྱོད། །ཁྲོ་རྒྱལ་ཁྱེད་ལ་ཕྱག་འཚལ་ལོ། །མི་གཙང་བ་ནི་གཙང་བར་མཛད། །ཁྲོ་རྒྱལ་ཁྱོད་ལ་ཕྱག་འཚལ་བསྟོད། །འཇིགས
291b7 པ་ཀུན་ལས་སྐྱོབ་པར་མཛད། །ཁྲོ་རྒྱལ་ཁྱོད་ལ་ཕྱག་འཚལ་བསྟོད། །ནད་དང་རིམས་ལས་བསྲུང་བར་མཛད། །ཁྲོ་རྒྱལ་ཁྱོད་ལ་ཕྱག་འཚལ་བསྟོད། །མི་གཙང་ཟས་དང་མི་གཙང
iiif viewer powered by OpenSeadragon
