| e-texts navigator |
| Wylie |
207b1 བཞིན་གཤེགས་པ་ཐམས་ཅད་ཀྱི་ཚེ་དཔག་ཏུ་མེད་པ་ཞེས་བྱ་བའི་གཟུངས་འདི་གསུངས་པ་ནི། འདི་ལྟ་སྟེ། ཨོཾ་ཨ་མྲྀ་ཏེ། ཨ་མྲྀ་ཏོཏྦྷ་བེ། ཨ་མྲྀ་ཏ་བི་ཀྲཱནྟེ། ཨ་མྲྀ་ཏ་གཱ་ཏེ། ཨ་མྲྀ་ཏ་གཱ་མི་ནི།
207b2 ཨ་མྲྀ་ཏ་ཨཱ་ཡུརྡ་ཏེ། ག་ག་ན་ཀཱིརྟི་ཀ་རེ་སརྦྦ་ཀླེ་ཤ་ཀྵ་ཡཾ་ཀ་རི་ཡེ་སྭཱཧཱ་ཞེས་བྱ་བའི་གཟུངས་འདིས་མཆོད་རྟེན་བྱེད་པའི་འཇིམ་པ་བླང་བ་དང་། བྱུག་པ་ལ་སོགས་པ་དང་། གདུགས
207b3 གདགས་པའི་བར་ཇི་སྲིད་རྫོགས་པར་བྱའོ། །འདིའི་ཆོ་ག་ནི། མཆོད་རྟེན་ཆོ་ག་མཆོག་གྱུར་པ། །དེ་ནས་ཡང་དག་བཤད་པར་བྱ། །གསེར་དང་། ཨིནྡྲ་ནཱི་ལ་དང་། དངུལ་དང་། པདྨ་རཱ་ག་ལ
207b4 སོགས་པའི་རང་བཞིན་མང་པོའི་རིན་པོ་ཆེས་སྤྲས་པ་སོར་བཅུ་གཉིས་ཀྱི་ཚད་པདྨའི་སྟེང་ན་བཞུགས་པ། དེའི་ལོགས་བཞིར་འཇིག་རྟེན་སྐྱོང་བ་བཞི་ལག་ན་རྒྱལ་མཚན་བསྣམས་པའོ། །
207b5 མེ་ཏོག་དང་། བདུག་པ་དང་། དྲི་ལག་ན་བཟུང་བའི་གནས་གཙང་མའི་ལྷའི་བུ་རྣམས་དང་། ལྷ་རྣམས་ཀྱི་དབང་པོ་བརྒྱ་བྱིན་ལག་ན་གདུགས་ཐོགས་པ་དང་། གཡས་དང་གཡོན་གྱི་ལོགས
207b6 གཉིས་ན་སྤྱན་རས་གཟིགས་དང་། རྡོ་རྗེ་འཆང་གཉིས་རྡ་ཡབ་དཀར་པོ་ཕྱག་ན་བསྣམས་པ་བྱའོ། །དེ་ལྟ་བུའི་ཆོ་གས་མཆོད་རྟེན་ལ་གཡས་བསྐོར་གྱི་སྦྱོར་བས་པདྨའི་འདབ་མ་ལ་བྲི
207b7 བར་བྱའོ། །དེ་བཞིན་གཤེགས་པ་ཐམས་ཅད་ཀྱིས་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་བྲིས་ལ། དེའི་རིང་བསྲེལ་གྱི་སྙིང་པོ་ཅན་དུ་བྱས་ལ་དྲི་ཞིམ་པོ་དང་བསྲེས་པའི་ཆུ
iiif viewer powered by OpenSeadragon
