| e-texts navigator |
| Wylie |
206b1 བུའི་རང་བཞིན་ལ་ཡང་བྱའོ། །ཡང་གོས་གཙང་མ་ལ་སྣ་ཚོགས་རྡོ་རྗེ་ལ་གནས་པའི་མཆོད་རྟེན་ལ་བྲིས་ལ་རྡོ་རྗེ་ཕྲེང་བས་བསྐོར་བས་བརྒྱན་པ་དེའི་ནང་དུ་རང་གི་མིང་དང་གཟུངས་ཀྱི
206b2 ཚིག་འདི་གི་ཝང་གིས་བྲིས་ལ་ཁམ་ཕོར་ཁ་སྦྱར་གྱི་ནང་དུ་བཞུགས་སུ་གསོལ་ལ། རང་གི་ཁྱིམ་དུ་བཞག་སྟེ་མཆོད་པ་རྒྱ་ཆེན་པོས་མཆོད་པ་བྱས་ན། རྟག་ཏུ་སྲུང་བར་འགྱུར་རོ། །
206b3 གཞན་ཡང་ཆོ་ག་ནི། ས་ལ་མ་ལྷུང་བའི་ལྕི་བས་མཎྜལ་གྲུ་བཞིར་བྱས་ལ་མེ་ཏོག་དཀར་པོ་བཀྲམ་སྟེ་མཚམས་བཞིར་ཞུན་མར་གྱི་མར་མེ་བཞི་བཞག་ལ། ཨ་ག་རུ་དང་དུ་རུ
206b4 ཀའི་བདུག་པ་བྱས་ལ། དེ་བཞིན་དུ་དྲིའི་ཆུས་གང་བའི་སྣོད་མེ་ཏོག་དཀར་པོས་བརྒྱན་ཏེ་གཟུངས་ཀྱི་སྙིང་པོ་ཅན་གྱི་མཆོད་རྟེན་ནམ་སྐུ་གཟུགས་དབུས་སུ་བཞུགས་སུ་གསོལ
206b5 ལ|་དེ་ལ་གཡོན་པའི་ལག་པས་རེག་སྟེ་གཡས་པའི་ལག་པས་ཕྲེང་བ་འཛིན་པས། ཉི་མ་རེ་རེ་ཞིང་ཉི་ཤུ་རྩ་གཅིག་རྩ་གཅིག་དུས་གསུམ་དུ་བཟླས་པ་བྱས་ལ་དེའི་ཆུ་ཁྱོར་བ
206b6 གསུམ་འཐུངས་ན། ནད་མེད་པ་དང་། ཚེ་རིང་བ་དང་། དགྲ་ཡོངས་སུ་ཉམས་པ་དང་། འཛིན་བློ་རྣོ་བ་དང་། ངག་བཙུན་པར་འགྱུར་རོ། །སྐྱེ་བ་ནས་སྐྱེ་བར་སྐྱེ་བ་དྲན་པར་འགྱུར་རོ། །
206b7 དེའི་ཆུས་ཁང་པ་དང་། ཕྱུགས་ཀྱི་ར་བའམ། རྟའི་ར་བའམ། རྒྱལ་པོའི་ཁབ་ཏུ་གཏོར་ན། རྐུན་པོ་དང་། སྤྲུལ་དང་། གནོད་སྦྱིན་དང་། སྲིན་པོ་ལ་སོགས་པའི་འཇིགས་པ་མི་འབྱུང
iiif viewer powered by OpenSeadragon
