| e-texts navigator |
| Wylie |
472a1 གསུམ་བཟླས་ན་འཇམ་དཔལ་གྱི་ཞལ་མཐོང་བར་འགྱུར་རོ། །གལ་ཏེ་མཚམས་མེད་པ་ལྔ་བྱས་པས་གྲུབ་པར་མ་གྱུར་ན་དེའི་ཚེ་ང་ཉིད་མཚམས
472a2 མེད་པ་ལྔ་བྱེད་པ་ཡིན་ཞིང་། ང་ཉིད་ཀྱིས་སངས་རྒྱས་བཅོམ་ལྡན་འདས་རྣམས་བསླུས་པར་གྱུར་ཅིག་།རྗེ་བཙུན་འཕགས་པ་འཇམ་དཔལ་གྱི་ཤེས་རབ་དང་།
472a3 བློ་འཕེལ་བ་ཞེས་བྱ་བའི་གཟུངས་རྫོགས་སོ།། །།ན་མོ་མཉྫུ་ཤྲཱི་ཡེ། ཀུ་མཱ་ར་བྷཱུ་ཏཱ་ཡ། བེ་དྷི་སཏྭ་ཡ། མ་ཧཱ་སཏྭ་ཡ། མཧཱ་ཀ་རུ་ཎི་ཀཱ་ཡ། ཏདྱ་ཐཱ། ཨོཾ་ཨ་ར་ཛེ་པི
472a4 ར་ཛེ། ཤུད་དྷེ་བི་ཤུད་ཧེ། ཤོ་དྷ་ནི་བི་ཤོ་དྷ་ནི། ཨ་མ་ལེ། བི་མ་ལེ། ཛ་ཡེ། བ་ཧི་ནི། རུ་རུ་ཙ་ལེ་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ་སྭཱ་ཧཱ། གང་གིས་གཟུངས་འདི་འཆང་བར་བྱེད།
472a5 ཀློག་པར་བྱེད། སྟོན་པར་བྱེད་པ་དེ་ནི་བློ་རྣོ་དང་ལྡན་པར་འགྱུར་རོ། །ལན་གཅིག་བཏོན་ན་གཟུངས་བརྒྱ་འཛིན་པར་འགྱུར་རོ། །བསྐལ་པ་སྟོང་དུ་བསགས་པའི་སྡིག
472a6 པ་མ་ལུས་པར་བྱང་བར་འགྱུར་རོ། །འབུམ་ཕྲག་གཅིག་བཟླས་ནི་རིག་པའི་གནས་ལྔ་ལ་མཁས་པར་འགྱུར་རོ། །འབུམ་ཕྲག་གཉིས་བཟླས་ན་ཐོས་པ་འཛིན་པར
472a7 འགྱུར། འབུམ་ཕྲག་གསུམ་བཟླས་ན་འཇམ་དཔལ་གྱི་སྐུ་མཐོང་བར་འགྱུར་རོ། །འཇམ་དཔལ་གྱིས་དམ་བཅས་པའི་གཟུངས་རྫོགས་སོ།། །།འཕགས
iiif viewer powered by OpenSeadragon
