| e-texts navigator |
| Wylie |
468b1 སྐྱེ་བོས་བལྟར་མི་མཐོང་། །སྲིད་པའི་སྡུག་བསྔལ་མ་ལུས་གཞོམ་པ་དང་། །མཐུ་ཆེན་བྱིན་གྱིས་རྒལ་བ་གཞོམ་པའི་ཕྱིར། །དབུ་རྒྱན་ཅོད་པན་རྒྱལ་བའི་མཆོག་གསང་ཞིང་།།
468b2 ཆོས་ཀྱི་རྒྱལ་ཐབས་དབང་གི་ཕ་རོལ་ཕྱིན། །རིན་ཆེན་སྤུག་དང་ཨུཏྤལ་འདྲ་བ་ཡི། །ཤིན་ཏུ་དྭངས་པར་དཀར་ནག་ཕྱེད་པའི་སྤྱན། །སྨིན་ཚུགས་མཛེས་པས་ཟླ་བ་ཚེས
468b3 ལྟར་འཁྱུག་། མིག་འཛུམས་ཟུར་གྱིས་ལྟ་བས་བྱམས་པའི་རྟགས། །སིལ་སྙན་རྣམ་དག་མཚན་རབ་འབྲུ་ཆགས་པ། །རིན་ཆེན་མ་ལུས་རྣམ་པ་དུ་མས་སྤྲས། །རྒྱལ་བའི་ཞིང
468b4 མང་རྣམ་པ་སྣ་ཚོགས་སུ། །རྣམ་ཐར་དཔག་ཡས་ཆོས་སྒོ་གྲངས་མེད་གནས། །ཤངས་ཀྱི་དབྱིབས་ལེགས་སྐྱེ་བོ་ཡོངས་ལས་འཕགས། །མཐོ་ལ་ཡིད་ཙམ་ཟུར་ལ་ལེགས
468b5 པའི་མཚན། །དྲང་ལ་ཆུ་ཕྲན་འདྲ་བར་མཛེས་པའི་ཚུལ། །བཟང་ལེགས་བསྐལ་པ་བརྒྱར་ཡང་བལྟར་མི་ངོམས། །པདྨ་ལེ་བརྒན་ཚོན་ལྟར་དམར་བའི་སྒྲོས། །ཡིད་གཞུངས
468b6 འཕེལ་བ་འཁྱིལ་བ་བཟད་ལེགས་སྐུ། །མདོག་སྡུག་ཆུ་སྐྱེས་སྣང་བ་མཚོ་ལོ་བཞིན། །ཤིན་ཏུ་དང་བའི་ཡིད་ཀྱིས་འཛུམ་པ་མཛད། །ཞལ་རས་ཟླ་འདྲ་གསེར་གྱི་མདོག
468b7 གིས་རྒྱས། །འོད་ཀྱི་དཀྱིལ་འཁོར་གསེར་ཕྲེང་དུ་མས་སྤྲས། །གསལ་བའི་འོད་ཕུང་ཉི་མ་བརྒྱ་བས་ལྷག་།འོད་ཟེར་སྣ་ཚོགས་སྤྲིན་ཕུང་བཞིན་དུ་འཕྲོ། །ཆོས་དབྱིངས་འཇམ
iiif viewer powered by OpenSeadragon
