| e-texts navigator |
| Wylie |
446a1 རྟེན་སྨད་པར་འགྲོ་བ་སྟེ། །དེ་ནི་མཛེ་ཅན་ནད་པར་འགྱུར། །ལྐུགས་ཤིང་འོན་པ་ཡན་ལག་ཉམས། །བློ་ཉམས་ལོང་བ་ཉིད་དང་ནི། །རྩུབ་ཅིང་རྟག་ཏུ
446a2 འཇིག་པའི་གཟུགས། །ས་སྟེང་ཡི་དྭགས་ལྟ་བུར་སྣང་། །གྲོས་ངན་སེམས་ནི་ཞན་པ་དང་། །སེན་མོ་དང་ནི་ལུས་ཀྱང་ངན། །སྲིན་བུ་རྣམས་ཀྱིས་ཟོས་པ་དང་། །ཤུ་བ
446a3 གཡན་པར་ཡང་དག་ལྡན། །མདོ་སྡེ་འདི་ནི་རབ་སྤངས་ན། །གང་དང་གང་གི་འགྲོ་བར་འགྲོ། །དེ་དང་དེར་ནི་སྐྱེ་བ་ན། །བློ་ངན་རྨོངས་པར་སྐྱེ་བར་འགྱུར། །དེ་ནས་བྱང
446a4 ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ
446a5 ངས་ལ་བཙུགས་ཏེ་མིག་ཕྱེ་ཞིང་མི་འཛུམ་པས་ཐམས་ཅད་དང་ལྡན་པའི་གནས་གཙང་མའི་གཞལ་མེད་ཁང་ན་གནས་པའི་ལྷའི་བུ་རྣམས་དང་། འབྱུང་པོའི་ཚོགས
446a6 དུ་མ་ཆོས་མཉན་པའི་ཕྱིར་འདུས་པ་ཤེས་ནས་བཅོམ་ལྡན་འདས་ཤཱཀྱ་ཐུབ་པ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ཇི་ཙམ་དུ་ཆོས་ཀྱི་རྣམ་གྲངས
446a7 འདི་ནི་ངོ་མཚར་ཏེ་མཆོག་ཏུ་ལེགས་པར་གསུངས་པ་ལགས་ན། དེ་ལ། བཅོམ་ལྡན་འདས། མ་འོངས་པའི་དུས་ན་སེམས་ཅན་མི་རིགས་པའི་ཆགས་པས་ཟིལ
iiif viewer powered by OpenSeadragon
