| e-texts navigator |
| Wylie |
445b1 ཡིན། །མེ་དང་རླུང་དང་ནམ་མཁའ་དང་། །སྟོང་པའི་དེ་ཉིད་ལེགས་གསུངས་པ། །སྤངས་པ་རྟག་ཏུ་འགྲོ་བ་ནི། །འོག་ནས་འོག་ཏུ་དེ་ཆེ་འགྲོ། །བསྐལ་པ་རྣམས་མང་གསུམ་གྱི
445b2 གྲངས། །དེ་ཚེ་བསོད་ནམས་ཡོངས་བསགས་ནས། །དེ་ཚེ་བྱང་ཆུབ་ཐོབ་ནས་ནི། །བདག་དང་རྒྱལ་བ་མཆོག་རྣམས་ཀྱིས། །སྔགས་དང་རྒྱུད་ཀྱི་དོན་གསུངས་པ། །འགྲོ་བ་ཡུལ
445b3 ནི་སྡིག་མེད་པའོ། །རྩ་བའི་ཆོ་ག་དག་བྱེད་དང་། །སྡིག་པ་མེད་ཅིང་བཀྲ་ཤིས་པའི། །ལེའུ་རབ་འབྱམས་རབ་གསུངས་པ། །ངེས་པའི་མདོ་སྡེ་བཟང་པོ་ཡིན། །ས་བདག
445b4 ཡོན་ཏན་བདག་ཉིད་ཆེ། །ཡུལ་དང་དུས་ཀྱི་སྦྱོར་བ་དང་། །རྒྱལ་སྲས་མི་རུ་སྐྱེས་པ་ཡིས། །ས་སྟེང་དམ་པའི་ཆོས་བསྟན་ཅེས། །འཇིག་རྟེན་གཙོ་བོ་ཐུབ་པ་ནི། །རྒྱལ་བ་བདུན
445b5 པས་བསྟན་པ་ཡིན། །ཆོ་ག་རྒྱ་ཆེར་གསུངས་པ་ནི། །བློ་དང་དཔལ་ནི་མངོན་པར་འཕེལ། །རྩ་བ་རབ་འབྱམས་ལེའུ་ཞེས། །སྔགས་དང་རྒྱུད་དང་ལྡན་པ་དེ། །གང་ཞིག་མདོ
445b6 མཆོག་གཙོ་བོ་འདི། །རྒྱལ་བས་མཆོད་པའི་ཆོས་ཀྱི་མཛོད། །ས་སྟེང་མིས་ནི་སྤོང་བྱེད་པ། །དེ་ནི་མནར་མེད་དམྱལ་བར་འགྲོ། །བསྐལ་པ་ཆེན་པོར་དེ་འཚེད་ཅེས། །
445b7 རྣམ་པ་དུ་མར་དབྱེ་བར་བསྟན། །ནམ་ཞིག་གང་དུ་འབྱུང་བ་ནི། །མི་ཡི་ལུས་སུ་སྐྱེས་ན་ཡང་། །དབུལ་ཞིང་ནད་མང་གླེན་པ་དང་། །ཀླ་ཀློ་དག་ཏུ་སྐྱེ་བར་འགྱུར། །འཇིག
iiif viewer powered by OpenSeadragon
