| e-texts navigator |
| Wylie |
444b1 གང་ཞིག་ཆོས་ཀྱི་རྣམ་གྲངས་འདི་སྤངས་སམ། །རྣམ་པར་རྟོག་པར་བྱེད་ན་བསོད་ནམས་མ་ཡིན་པ་དཔག་ཏུ་མེད་པར་འཕེལ་བར་འགྱུར་ཞིང་དམྱལ་བར་ཡང་སྐྱེ་བར
444b2 འགྱུར་ལ། དུད་འགྲོ་དང་། ཡི་དྭགས་དང་། གཤིན་རྗེའི་འཇིག་རྟེན་གྱི་སྐྱེ་བ་ངན་པར་ཡང་འགྲོ་བར་འགྱུར་རོ། །སྨན་དང་། སྔགས་རྣམས་མེད་དོ། །བྱང་ཆུབ་སེམས་དཔའ
444b3 མེད་དོ། །དེ་རྣམས་བདག་ཉིད་ཆེན་པོ་རྫུ་འཕྲུལ་ཆེ་བ་དང་། རྣམ་པར་འཕྲུལ་པ་ཡང་མེད་དོ། །ཆོ་ག་རྒྱ་ཆེ་བ་ཡང་མེད་དོ། །འཕགས་པ་མ་ཡིན་པས་བཤད་དོ་ཞེས
444b4 བྱས་ནས་སྤོང་བའམ། ཡང་ན་འགྲོ་ཞིང་འདི་ཉན་པར་མི་ནུས་སོ་ཞེས་གནས་དེ་ལས་གཞན་དུ་འགྲོ་ན་དེ་དག་ལ་བསོད་ནམས་མ་ཡིན་པ་ཆེན་པོ་འབྱུང་བར་འགྱུར
444b5 རོ|་|ཅི་སྟེ་བློ་ཆུང་བ་གང་གིས་ཆོས་འདི་ནི་ཐུབ་པ་མཆོག་དང་། ཐུབ་པའི་སྲས་བློ་དང་ལྡན་པ་མ་ཡིན་ནོ། །ཞེས་རབ་ཏུ་སྤོང་བར་བྱེད་དོ། །མི་དེ་དམྱལ
444b6 བར་འགྲོ་འགྱུར་ཞིང་། །དེ་ཉམས་ནས་ནི་དུད་འགྲོར་འགྲོ། །ཐིག་ནག་དང་ནི་ཡང་སོས་དང་། །སྤུ་གྲི་སོ་དང་མེ་མ་མུར། །རོ་མྱགས་ཆུ་བོ་རབ་མེད་སྐྱེ། །དེ་ནས་ཕྱིར
444b7 ཡང་སྤུ་གྲི་སོར། །ལོ་མ་རལ་གྲི་ལྟ་བུའི་ནགས། །ཡང་ན་ཀྱི་ཧུད་ཟེར་དེ་བཞིན། །འཇིག་རྟེན་གྲགས་པ་སོ་ཐམས་ཐམས། །སྡིག་པའི་ལས་ཀྱི་དམྱལ་བ་རུ། །གང་གིས
iiif viewer powered by OpenSeadragon
