| e-texts navigator |
| Wylie |
443b1 ཡིན་པ་དེ་ལོགས་སུ་ཕྱིན་པར་གྱུར་ཏོ། །དེ་ནས་ལྷ་མ་ཡིན་ཐམས་ཅད་རྒྱ་མཚོ་ཆེན་པོའི་མཐའི་འགྲམ་དུ་གང་རང་གི་གྲོང་ཁྱེར་གང་ཡིན་པ་དེར་མངོན་དུ་ཕྱོགས་ཤིང
443b2 སོང་བར་གྱུར་ཏེ། སེམས་ཞུམ་ཞིང་ཉམས་ལ་དཔུང་གི་འཇིགས་པས་སེམས་དཀྲུགས་ཤིང་གདོང་གི་མདོག་ཉམས་ཤིང་ང་རྒྱལ་དང་། དྲེགས་པ་ལ་སོགས་པ་དང
443b3 བྲལ་བར་གྱུར་ལ། མཚོན་ཆ་དང་བྲལ་ཞིང་རི་འབིགས་བྱེད་འབར་བ་བཞིན་དུ་ལྷའི་དབང་ཕྱུག་དེ་མཐོང་ནས་བྱེར་བར་གྱུར་ཏོ། །དེ་ནས་ལྷའི་དབང་པོ་བརྒྱ་བྱིན་གྱིས
443b4 སུམ་ཅུ་རྩ་གསུམ་གྱི་ལྷ་རྣམས་ལ་སྨྲས་པ། གྲོགས་པོ་དག་།མ་འཇིགས་ཤིག་།མ་འཇིགས་ཤིག་།སངས་རྒྱས་ཀྱི་མཐུས་ལྷ་མ་ཡིན་ལས་བདག་ཅག་ངེས་པར
443b5 རྒྱལ་བས་རང་གི་གནས་སུ་འགྲོ་བར་བྱའོ། །རང་རང་གི་གནས་ཇི་ལྟ་བ་བཞིན་དུ་སོང་ནས་ཁྱེད་ཅག་རྩེ་བ་དང་། དགའ་བ་ཡོངས་སུ་སྤྱོད་པར་གྱིས་ཤིག་།དེ་ནས་ལྷ
443b6 དེ་དག་ཐམས་ཅད་ཡིད་ཤིན་ཏུ་དགའ་ནས་ཕྱིར་ཡང་རང་གི་གནས་སུ་ལོག་པར་གྱུར་རོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་འདི་སྙམ་དུ་སེམས་པར་གྱུར་ཏེ།
443b7 གང་བདག་གིས་གཞོན་ནུའི་གཟུགས་ཅན་གྱི་གཟུགས་བརྙན་གྱི་རྣམ་པ་དེ་བྱས་ལ་རྒྱལ་མཚན་གྱི་རྩེ་མོ་ལའང་བཏགས་ན། དེས་ན་གོང་གི་ལྷ་མ་ཡིན་གྱི་འཇིགས་པ་མི
iiif viewer powered by OpenSeadragon
