| e-texts navigator |
| Wylie |
437b1 ལྷ་རྣམས་ཀྱང་། །ངེས་པའི་ཚིག་ནི་རབ་ཏུ་བསྒྲགས། །འཐབ་བྲལ་ལྷ་ཡི་བུ་དང་ནི། །འཕྲུལ་དགའ་གཞན་འཕྲུལ་དབང་བྱེད་དང་། །རྒྱལ་པོ་དགའ་ལྡན་གསུང་བ་དང་། །འདོད
437b2 པའི་ཁམས་ཀྱི་དབང་ཕྱུག་མཆོག་། གཅིག་གི་མིང་ནི་བརྒྱ་བྱིན་སོགས། །དེ་བཞིན་འདོད་ཁམས་དབང་ཕྱུག་ཡིན། །དེ་ཡང་རྟག་ཏུ་གཅིག་གནས་ཏེ། །རྫུ་འཕྲུལ་ཆེན་པོ
437b3 གཅིག་གི་གཟུགས། །དེ་ཡང་མཐའ་ཡས་དག་ཏུ་བསྟན། །རྣམ་པ་སྣ་ཚོགས་གཟུགས་འཆང་ལྷ། །དེ་ལས་གོང་དུ་ཐམས་ཅད་མཉམ། །དེ་ཡང་ཐམས་ཅད་རྫུ་འཕྲུལ་ཆེ།།
437b4 ལྷ་ཡི་གཙོ་བོ་མིང་གཅིག་སྟེ། །འདུ་ཤེས་མེད་པའི་མཐར་ཡང་བསྟན། །དེ་དག་གཙོ་བོ་མེད་པ་སྟེ། །མཉམ་པའི་ཚུལ་དུ་ཡང་དག་གནས། །འོག་ཏུ་མནར་མེད་མཐར་ཐུག
437b5 པར། །དེར་ནི་རྒྱལ་པོ་ཡོད་མ་ཡིན། །འཇམ་དཔལ། དེ་ལྟ་བས་ན། དེ་ལྟར་ཕྱི་མའི་ཚེ་ཕྱི་མའི་དུས་སུ་རིགས་ཀྱི་བུའམ། རིགས་ཀྱི་བུ་མོ་གང་ལ་ལས་དེ་བཞིན་གཤེགས
437b6 པ་རྣམས་ཀྱི་ཆོས་ཀྱི་མཛོད་འདི་གླེགས་བམ་དུ་ཆུད་པར་བྱས་ཏེ་འདྲི་བར་འགྱུར། ཀློག་པར་འགྱུར། ཁ་ཏོན་དུ་བྱེད་པར་འགྱུར་བའམ། གླེགས་བམ་དུ་བྱས་ཏེ་འཆང་བར
437b7 འགྱུར། གུས་པར་བྱས་ཏེ་ཡིད་ལ་བྱེད་པར་འགྱུར། གོས་རྣམ་པ་སྣ་ཚོགས་དང་། ཕྱེ་མ་དང་། གདུགས་དང་། རྒྱལ་མཚན་དང་། བ་དན་དང་། དྲིལ་བུ་དང་། རོལ་མོ་དང་། ཕྲེང
iiif viewer powered by OpenSeadragon
