| e-texts navigator |
| Wylie |
13a1 ད་ཡཾ་ནཱ་མ་དྷ་ར་ཎི། བོད་སྐད་དུ། འཕགས་པ་སངས་རྒྱས་ཀྱི་སྙིང་པོ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག
13a2 འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྒྱ་མཚོའི་འགྲམ་གྱི་སྐྱེད་མོས་ཚལ་ན་སངས་རྒྱས་ཀྱི་སྤྱོད་ཡུལ་གྱི་ཤིང་ལྗོན་པ་ཀུན་ནས་སེང་གེའི
13a3 ཁྲི་ལ་བཞུགས་ཏེ། ལྷའི་འཁོར་གྱིས་ཀུན་ནས་བསྐོར་ཅིང་མདུན་གྱིས་བལྟས་ཏེ་ཆོས་སྟོན་ཏོ། །དེ་ནས་བཅོམ་ལྡན་འདས་ཀྱིས་དབང་ཕྱུག་ཆེན་པོ། དཀའ་ཐུབ་བཟང་པོ་ལ་སོགས་པ
13a4 གནས་གཙང་མའི་རིས་ཀྱི་ལྷའི་བུ་རྣམས་ལ་བཀའ་སྩལ་པ། ལྷའི་བུ་དག། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིང་དང་བཤད་དོ། །དེ་བཞིན་གཤེགས་པ
13a5 ཕྱི་མའི་དུས་ན། འཁོར་བཞི་བསྡུ་བ་དང་། རྗེས་སུ་གཟུང་བ་དང་། ཀུན་ཏུ་རྗེས་སུ་གཟུང་བ་དང་། ཁྱད་པར་དུ་འགྲོ་བར་བྱ་བ་དང་། དོན་ཐམས་ཅད་དང་། ཆོས་ཐམས་ཅད
13a6 དང་ལྡན་པ་ཡོངས་སུ་རྫོགས་པར་བྱ་བ་དང་། ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་རྣམ་པ་ཐམས་ཅད་དུ་ཁྱད་པར་ཐོབ་པར་བྱ་བའི་ཕྱིར་སངས་རྒྱས་ཀྱི་སྙིང་པོ་ཞེས
13a7 བྱ་བའི་གཟུངས་ཀྱི་ཆོས་ཀྱི་རྣམ་གྲངས་སྟོན་ཏོ། །འཆད་དོ། །དེ་ཁྱེད་ཀྱིས་ཟུངས་ལ་ད་ལྟར་དང་། ང་ཡོངས་སུ་མྱ་ངན་ལས་འདས་ནས་ཕྱི་མའི་དུས་ན་ཐེག་པ་ཆེན་པོ་ལ་ཡང
iiif viewer powered by OpenSeadragon
