| e-texts navigator |
| Wylie |
478b1 འདབ་དང་། མེ་ཏོག་དང་། འབྲས་བུ་རྣམས་རིན་པོ་ཆེ་སྣ་བདུན་ལས་གྲུབ་པ། གནས་དེ་ཤིན་ཏུ་གཙང་ཞིང་ཐ་གྲུ་ཡངས་པ་ལོགས་བཞིའི་ངོས་རེ་ལ་དཔག་ཚད་བཅུ་གཉིས་རེ་ཡོད་པའི་དཀྱིལ
478b2 འཁོར་ངོ་མཚར་རྨད་དུ་བྱུང་། །སྐྱེ་བོ་ཐམས་ཅད་ཀྱི་ཡིད་དུ་འོང་བ་བལྟ་ན་སྡུག་པ་ཕྱོགས་མཚམས་རྣམས་སུ་ཆུ་སྐྱེས་ཐང་སྐྱེས་ཀྱི་མེ་ཏོག་སྣ་ཚོགས་དང་། ཏ་མ་ལའི་ཤིང་དང་། ཙམྤ་ཀའི
478b3 ཤིང་དང་། ཀུ་ཤུའི་ཤིང་དང་། མྱ་ངན་མེད་དང་། ཨ་ཏི་མུཀྟ་ཀ་དང་། སུ་མ་ནཱ་དང་། ཀ་དམྦའི་ཤིང་དང་། ནྱ་གྲོ་དྷ་དང་། ནྱ་གྲོ་དྷ་ཆེན་པོ་དང་། ག་བུར་གྱི་ཤིང་དང་། སེ་རྒོད་ཚེར་མ་ཅན་གྱི
478b4 ཤིང་དང་། ཤུག་པ་དང་། ཡུ་ཏི་ཀ་དང་། ཏིནྟུ་ཀའི་ཤིང་ལ་སོགས་པའི་ལྗོན་པའི་ཕྲེང་བས་བརྒྱན་པ། དེ་རྣམས་ཀྱི་སྟེང་ན་ནེ་ཙོ་དང་། རྨ་བྱ་དང་། ཀ་ལ་པིངྐ་དང་། ཤང་ཤང་ཏེའུ་ལ
478b5 སོགས་པ་བཀྲ་ཤིས་པའི་བྱ་སྣ་ཚོགས་གསར་གྱི་མཆུ་དང་། གསེར་གྱི་གཙུག་ཕུད་ཅན། སྤུ་དང་། གཤོག་སྒྲོ་ཐམས་ཅད་རིན་པོ་ཆེ་སྣ་བདུན་ལས་གྲུབ་པ། སྙན་ཅིང་འཇེབས་པའི
478b6 སྐད་སྣ་མང་པོ་སྒྲོགས་པ། དེ་ཐམས་ཅད་ཀྱང་དེ་བཞིན་གཤེགས་པ་འོད་ཟེར་དམ་པའི་རྒྱལ་མཚན་གྱི་སྔོན་གྱི་སྨོན་ལམ་གྱི་མཐུ་དང་། བྱང་ཆུབ་སྙིང་པོའི་རྒྱན་འབུམ་གྱི་གཟུངས
478b7 སྔགས་རིག་པའི་བྱིན་རླབས་ལས་བྱུང་བ་ཤ་སྟག་གོ་། དེ་ནས་པ་ཐ་རིའི་གྲོང་ཁྱེར་གྱི་སྐྱེ་བོའི་ཚོགས་ཐམས་ཅད་ཤིན་ཏུ་ངོ་མཚར་བར་གྱུར་ནས་ཕན་ཚུན་དུ་གཅིག་གིས་གཅིག་ལ་འདི
iiif viewer powered by OpenSeadragon
