| e-texts navigator |
| Wylie |
477b1 ལ་མཐོ་ཞིང་ངོས་ཡངས་པའི་གནས་ཤིག་བཙལ་ནས། བ་ལྕི་བསྲེས་པའི་ས་གཙང་གི་དཀྱིལ་འཁོར་བཤམས་ཏེ། མེ་ཏོག་སྣ་ཚོགས་བཀྲམ། དཀྱིལ་འཁོར་གྱི་རྒྱན་བུམ་པ་བཟང
477b2 པོ་དང་། བཟའ་བཏུང་གཙང་མ་སྣ་ཚོགས་དང་། བྱུག་པ་དང་། བདུག་སྤོས་དང་། མར་མེ་རྣམས་བཀོད་ནས་སྙན་པའི་རོལ་མོ་སྣ་ཚོགས་ཀྱང་དཀྲོལ། དབུས་སུ་རིན་པོ་ཆེ་སྣ་ཚོགས
477b3 ཀྱིས་བརྒྱན་པའི་གསེར་གྱི་བུམ་པ་དམར་སེར་དྲི་བཟང་གི་ཆུས་བཀང་བ་སོ་ཤིང་དང་བཅས་པ་བཞག་ལ། ཐམས་ཅད་ཡིད་མཐུན། མོས་པ་མཐུན། སྤྱོད་ལམ་མཐུན་པར་དད
477b4 པས་ཀུན་ནས་བསླང་བའི་དབྱངས་སྙན་ལ་སྐད་གསང་མཐོན་པོས་མགྲིན་གཅིག་ཏུ་འདི་སྐད་ཅེས་གསོལ་བ་བཏབ་བོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ
477b5 ཡང་དག་པར་རྫོགས་པའི་སངས་རྒྱས་འོད་ཟེར་དམ་པའི་རྒྱལ་མཚན་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །སེམས་ཅན་ཐམས་ཅད་ལ་བརྩེ་བ་དང་། སྐྱོབ་པའི་བདག
477b6 ཉིད་ཅན་ཐུབ་པ་ཆེན་པོ་སངས་རྒྱས་བཅོམ་ལྡན་འདས་ཁྱེད་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །ཆོས་ཉིད་བསམ་མི་ཁྱབ་ཅིང་རྨད་དུ་བྱུང་བའི་བདག་ཉིད་ཆེན
477b7 པོ་སངས་རྒྱས་བཅོམ་ལྡན་འདས་ཁྱེད་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །བདག་ཅག་མགོན་མེད་སྐྱབས་མེད་ཅིང་སྡུག་བསྔལ་གྱི་འདམ་དུ་བྱིངས་པའི་སེམས་ཅན
iiif viewer powered by OpenSeadragon
