| e-texts navigator |
| Wylie |
477a1 ཕོར་བཞི་དང་། དྲི་བཟང་གི་ཆབ་ཀྱི་བུམ་པ་བཞི་དང་། ཞལ་ཟས་སྡེར་མ་བཞི་གཞག་པར་བྱའོ། །མར་མེ་བཞི་བུད་པར་བྱའོ། །དབུས་སུ་དྲི་བཟང་གི་ཆུས
477a2 གང་བའི་བུམ་པ་དམར་སེར་གཅིག་བཀོད་ལ། དེའི་ཁར་སོ་ཤིང་གཅིག་གཞག་པར་བྱའོ། །དེ་ནས་དེ་བཞིན་གཤེགས་པ་དེ་ལ་མངོན་པར་དད་པས་དམིགས་ཏེ། བཅོམ་ལྡན་འདས
477a3 བདག་ཅག་རྣམས་ལ་ཐུགས་བརྩེ་བའི་སླད་དུ་སང་ཉིན་བསོད་སྙོམས་ཀྱི་དུས་ལ་བབ་པ་ན་གནས་འདི་ཉིད་དུ་གཤེགས་པར་ཅི་གནང་ཞེས་གསོལ་བ་གདབ་པར་བྱའོ། །དེ་བཞིན
477a4 གཤེགས་པ་དེ་ནི་འདས་པ་དང་། མ་འོངས་པ་དང་། ད་ལྟར་བྱུང་བའི་སེམས་ཅན་ཐམས་ཅད་ཀྱི་བསམ་པ་དང་། མོས་པ་དང་། བྱ་བ་སྤྱོད་པ་ཇི་ལྟ་ཇི་སྙེད་ཐམས་ཅད་ཡོངས་སུ
477a5 མཁྱེན་ཅིང་གཟིགས་པ་སྟེ། སེམས་ཅན་དམྱལ་བ་དང་། ཡི་དྭགས་དང་། དུད་འགྲོའི་སྐྱེ་གནས་སུ་ལྟུང་བ་རྣམས་ཀྱང་ཐབས་མཁས་པས་ཐར་བར་མཛད། ཕན་པ་དང་། བདེ
477a6 བའི་ཐབས་སྟོན་པར་འགྱུར་རོ། །དེ་ལྟར་བྱས་པས་དེ་བཞིན་གཤེགས་པ་དེས་མངོན་པར་མཁྱེན་ཅིང་གཟིགས་ནས། རྫུ་འཕྲུལ་ཐོགས་པ་མེད་པའི་སྟོབས་ཀྱིས་འཁོར་དང་བཅས
477a7 པ་ཁྱེད་ཅག་གི་བསྟི་གནས་སུ་འབྱོན་པར་འགྱུར་རོ། །དེ་སྐད་ཅེས་སྨྲས་པ་དང་། སྐྱེ་བོ་དེ་རྣམས་ཀྱིས་ཐོས་པ་ཇི་ལྟ་བ་བཞིན་བློ་ལ་བཟུང་ནས་སླར་ལོག་སྟེ་འདུ་འཛིས་དབེན་ཞིང་གཙང
iiif viewer powered by OpenSeadragon
